Ɲanghlu-

ƝƆNSOA -ˈbhlea ˈˈɩ-kmaan anˈ klɛɛ ɛ, ɔmɔn- -ˈbhle dhɩ aˈ klɛɛ nɩan ˈnɔn ˈkmʋn -ke. -Aaˈ ˈkmʋn anˈ klɛɛ -nɩɛn- ˈe ɔ ˈkwa. Ɔmɔn- -ɔn -ˈjhe ɲʋn anˈ klɛɛ ɛˈ ˈpee. Ɔ ˈbhɛɛˈ ɔ ˈye ɲɔn ˈkmʋn ˈˈɲɩn, ɔ ˈbhɛɛˈ ɔ ˈye ɲɔn iza-. -Bho -a -nmɔn ˈe ɔ ˈˈjhri ˈdhe i ɛˈ, -aa muɛn ˈjɛɛn ˈjhe-, -bho -a se ˈe ɔ ˈˈjhri ˈdhe i-nmɔn ɔn, -aaˈ ˈkmʋn an muɛn ˈkle nɩn-. Ɛɛˈ dɩ -aaˈ ˈˈɲɩnsʋn ˈyeɔ -gwliˈ i-nmɔɔn!

Ɲʋn anˈ ˈˈɲɩnsʋn -deeɛ- kpɛ. -Bho ˈˈɲɩnsʋn gwɛ je ɛ, -ˈmɛn -je -ˈnɩn anˈ klɛɛ ɛ ˈŋmʋʋnˈ ˈdhe Ɲɔnsoa bho? ˈˈKɩɩn-, ɛ seɛ nɩn-. Zezi, -ɔ nɩan Ɲɔnsoa aˈ ˈˈJhu ɛ, ɔ toɛˈ -ka -jekplɩ nɩan ˈsɔɔn ɔn. Ɔ ˈnaan: “[ˈˈGbu aˈ ŋwɔn] -ˈbhɛa ˈˈi ɛ, ɛ -ye -ɛɛ kpaa nyʋ ˈdhe ˈmɛanˈ, ɛ ˈbhɛ we i, -wɛˈ nyʋa -da -duuˈˈ -ʋa kpɛ. -Ye -ɛɛ kpaa nyʋ ˈdhe ˈkmʋ ˈdhi ɛ, ɛ [ˈˈgbu aˈ ŋwɔn] ˈˈkaan wɩɛ-, ɛ nɩe sɔɔˈˈsɔɔ, nyʋ kpɔ -ʋa ˈjeɛ.”—Matie 7:13, 14.

ˈˈƝɩnsʋn anˈ kpɛ -nɩɛn- ˈsɔɔn gbai: dhueˈ -ʋan- kpa ɲʋn ˈdhe ˈpʋa ˈˈdhe -ˈnʋʋn an kpa ɲʋn ˈdhe ˈmɛan. ˈMʋnfeesɛɛ- nɛn ˈcreɛˈ ɛ ˈye -ʋn sʋn bho po -wɛeˈ -je -ɛɛ kpa ɲʋn ˈdhe ˈkmʋn sea ˈˈtian ˈbhle ˈdhi ɛ, -ˈyeɛ ˈjhe.