CƖAANDHƐ 8

Dhɛ Zezi ɔ mɛan an ɲɩn aʋ ɛ?

Ka a yea kmʋn sea tian bhle jhe ɛɛ dɩ Zezi mɛn. Zan 3:16.

Ɲnʋnkpae muan dhe ɔɔ nmaeɛ dhi ŋmʋan an, ʋʋ se e ɔɔ ku jhɛɛ.

Bho ɔɔ mɛn ghwɩ a taan zɔn kpe ɛ, Zoova jha Zezi nɔn kmʋn dhe. Ɲnʋnkpae muan dhe ɔɔ nmae dhi ŋmʋan ɛɛ zɔn tu ɛ, ʋʋ se e ɔɔ ku jhɛɛ.

Zezi to ɔɔ jɛ mɛn dhe ɔɔ dhbhoʋn bho dhe ɔɔ ye e jhaʋn dhi mun.

Zezi za ɔɔ jɛ kwla dhe ɔɔ dhbhoʋn bho.

Zoova jha Zezi nɔn kmʋn dhe. Ɔ poɔ dadhbhoi ɔ yɔ ɩkmaan ɲɩn. Mɛan seɔ kpe tɛɛn bhodhe. Ɲʋn ɔɔ tɔan Ɲɔnsoa a ghlu nɩn ɔɔ nan jhe ɔɔ jhaʋn dhi mun da mɛn.

Ɲɔnsoa jha Zezi nɔn kmʋn dhe dhe ɔ poɔ Bheɔ dhe ɔɔ Bheɔglɔ dhi. Gbɔˈwlʋdhɩ- 11:15.

Zezi deɛ i bho ɔɔ bheɔ kpaa kpe wɛe ɔ bhle ɲʋn nɩan dhe bɔya deɩn dhi da bhlʋa kpe.

Zezi to e ɔɔ kmʋn mɛn wɛe ʋn ye ɲiɔn zeie dhe dhɛsaʋn e mɛan kwa. (Matie 20:28) Ɔɔ mɛan nʋɛn wɛe Ɲɔnsoa bhɛɛ ɔ yeɛ nʋn a ye kmʋn sea gwɛ da bhle jhe.

Zoova poɛ Zezi Bheɔ bho bhlʋa jhriɛ ɛ klɛɛ dhru. Ɲʋn an 144.000 ʋa naan bho Ɲɔnsoa a ghlu a je ɛ, ʋʋ nɩn ɔ dhi bheɔ. Bho ʋʋ mɛn Ɲɔnsoa a jhʋbʋ kmʋn dhe dhe jhaʋn dhi. Ɲʋn an 144.000 nʋn e Zezi e, ʋa glibha nɔn mɔn ɲɔɔn dhaa Ɲɔnsoa a Bheɔglɔ.—Gbɔˈwlʋdhɩ- 14:1-3.

Ɲɔnsoa a Bheɔglɔ ɔɔ muɛn nʋn bhlʋa a klɛɛ ye bɔya deɩn kpa. Tʋ e kudhbhaa e mɩɛn e se dhɛbhleɛ se nɩn in bhodhe. Ɲʋn an muɛn mʋnan nʋn ka jɛɛn. —2 Piɛɛ 3:13.