-Kawɛ- ˈkmʋn an mun -nɩn ˈdhe ɲan -an?

DHƐ BIIBLƲ ˈTMƲAN Ɛ KA

‘Ɲɔnsoa muɛn ˈˈmiinin anˈ klɛɛ nɩan ˈdhe ʋbʋ ˈˈjhri ˈsran-, ˈmean ˈse i -nɩn -dheeˈ ka, ˈkwɛ ˈse i -nɩn in, zrɛ -e ipʋʋa ˈse i -nɩn in -dheeˈ ka. Dhɩ -ˈnɩn anˈ klɛɛ ɛ muɛn tɛnˈˈ dhɩ ˈkpa-.’​—Révélation 21:3, 4, Traduction du monde nouveau.

-BHO DE GHLU NƲN -GWLƖˈˈ Ɛˈ, DHƖ -ˈYEA ˈO ˈJHEE-

Dhbho ˈjɔɔn- -ˈyea -manˈ -pɛɛ -bhlua.​—Isaïe 65:21-23.

ˈGhwɛ -e ˈklejheɛ- ɛˈ klɛɛ ˈye i -gwɛ.​—Isaïe 25:8; 33:24.

-Bɔyaˈˈ -kmʋn sea -gwɛ da ˈbhle, -ʋn ˈdhe ˈdhi mɔn -e -manˈ ˈcɛ -e -manˈ -jhbhɛɛʋn -e aʋ ˈyea ˈe ˈdhi -nɩn ɛn.​—Psaume 37:11, 29.

DHƐ BIIBLƲ ˈTMƲAN AN, -A -ˈBHEƐˈ -A -ˈYEƐ -GWLƖˈˈ DE ˈJƐƐN-?

Ɛɛn, dhɩ aˈ kpɛ ˈsɔɔn nɩn anˈ dɩ:

• Dhɩ -ɩanˈ ghlu Ɲɔnsoa cɛan an, ɔ ˈbhɛɛˈ ɔ ˈyɩ nʋn. ˈDhe Biiblʋ ˈdhi ɛ, Ɲɔnsoa Zoova aˈ ˈsʋ ɲʋn ˈdhaa- ‘ˈˈƖkmaanklɛɛbhlei-.’ (Révélation 15:3) -ˈMɛn -ka ɔ ˈtmʋɩn ˈjɛɛn- ɛn, ɔ ˈbhɛɛˈ ɔ ˈye ˈkmʋn nʋn ˈkpa po -wɛeˈ ʋn ˈye ˈdhɔɛe ˈmʋn -nɩn. Ɛmɛn- dɩ Biiblʋ ˈnaan ‘ˈdhe Ɲɔnsoa bho ɛ, dhɛ ˈˈoo dhɛ ɛˈ nʋanˈ se ˈˈɩkman-.’​—Matthieu 19:26.

• Dhɩ -ɩanˈ ghlu Ɲɔnsoa cɛan an, ɔɔ ˈbɔn ɩanˈ nʋanˈ ˈmɛn ˈjɛɛn-. Dɩ aˈ kpɔ dhueˈ -ɩan- toɛ -mɩn -nɩn Zoova aˈ ˈˈjɛ nɩɛn ˈˈɩn ˈjɛɛn- ɔ ˈye ɲʋn -ˈmɛan ˈkmʋn dhejha-.​—Job 14:14, 15.

  Ɲɔnsoa aˈ ˈˈJhu Zezi jhia da ˈbhlʋa ˈˈkpe ɔ ˈpʋʋɛ- ɲʋn -ʋaˈ dhɩ a poa. Ɛmɛn- Biiblʋ a to -ke. Dhɛɛdɩ- ɔ nʋɛn -ɛn? Ɛ nɩn ɔɔˈ -pɛɛ ɛˈ ˈbɔɔndɩ-. (Marc 1:40, 41) -Ka ɔɔˈ ˈˈBho ɔ ˈbɔan ɲʋn anˈ sʋn bho -poɛ- i ɛ, ˈkamɔn- Zezi ɔ ˈbɔn ɲʋn -an jheaˈ ˈkle ʋaˈ sʋn bho poaˈ i -ke.​—Jean 14:9.

  -Ka Zoova -e Zezi -e, ʋa ˈbɔan ʋʋ ˈye -aʋ- sʋn bho po -wɛeˈ -aaˈ ˈkmʋn ˈyea ˈdhɔɛe ˈmʋn -nɩn ˈdhe ɲan an, -a -ˈbhɛɛˈ -a -ˈyeɛ -gwlɩˈˈ de!​—Psaume 72:12-14; 145:16; 2 Pierre 3:9.