ˈFɔ 2 ɔnˈ -deeghwlu-

Dhɛɛdɩ- Zoova nʋɛn ˈˈnin -klaaˈˈ dhbha -wɛeˈ ɛ ˈdhbha ɲʋn nɩan da ˈbhlʋa ˈˈkpe tɛnˈˈ -dhe -ɛ? Ɲɔnsoa poa ɲiɔn da ˈbhlʋa ˈˈkpe ɛ, ɛ ˈse ˈo -gwle ˈsʋ tʋ dhueˈ ye -dee: tʋ ˈbho dhɛjɛɛn -e dhɛsaʋn- ˈɲnɩn. Ɲʋn -ˈnʋʋn -ka Adan -e Ɛvʋ -e ʋaˈ ˈˈjhu Kaɛn nɩan, ʋʋ -za ˈo dhɛsaʋn- ɛnˈ nʋanˈ. ˈKlaa ɲʋn -ˈnʋʋn ka Abɛlɩ -e Noe nɩan, ʋʋ -za ˈo dhɛjɛɛn ɛnˈ nʋanˈ. ˈDhe ɛɛˈ nɔnˈˈ tu ˈdhi ɛ, ɲʋn anˈ -daduuˈˈ -ɲniɛn- ˈdhi ŋwɔn ɛɛˈ dɩ Zoova zʋbʋ i. ˈFɔ nɔn ɔn muɛn -aʋ sʋn bho -po -wɛeˈ -ka Zoova jhibha dhɛ -aa za ˈo -aa nʋan -e -ka ɔ ˈsea dhɛsaʋn- i ˈˈtai dhi ɛ ˈsea ˈˈɩ -kman in ˈbho dhɛjɛɛn ˈˈkpe ɛ, -a ˈyeɛ i ˈŋwɔn.