Aʋ jhi ˈdhe Zoova aˈ trʋ ˈˈkpe

1. Kpa jhri jha dhe yʋ jhe,

Zoovaˈa trʋ nɩɛn bho jha.

Ʋn zii trɩ klae a klɛɛ mɛn

Ʋn nɩɛn bho ɩan klɛɛ dhru.

Ɲʋn ghwlʋa bhlʋɩ a klɛɛ dhii,

Ʋa muɛn dhe trʋ klaa nʋn kpe.

Dhe ʋa dha ɲʋn nʋʋn mɛn:

‘A mun a ye Ɲɔnsoa ɲɩn.’

Ɲʋn an kpɔ kpa cɛdhru.

Ɛ Ɲɔnsoa mɔn po aa dhbho niman.

Zoova aa Ɲɔnsoa,

Ɔmɔn nʋn ɛɛ dhɛ tu bho ɔɔ nɔn.

Ɲnumɩɩn e ɲʋnklae

Ʋa bɔn Ɲɔnsoa yʋbʋ bhle.

Dhe ʋa kmʋn an klɛɛ dhi,

Ʋa bɔn ʋʋ ye ɔɔ cɛ nɩn.

2. Zezi naan a ye mun.

A ye bhlʋɩ a klɛɛ dhii mun.

Dhe a ye Ɲɔnsoaˈa Bheɔglɔˈɔ bo bhla

Dhe ɲʋan klɛɛ bho.

Ɔɔ poɛ ɲʋn an klɛɛ kpɩ,

Dhe ʋʋ ye Ɲɔnsoa ŋwɔn jhe.

Ɲʋn ʋa jha ʋa jɛ jha

Ʋa ŋwɔɔn Zoovaˈa dhaghwlu mɛn.

Ɛ nɩn aa mʋnandɩ,

Dhɛ aa jhea bhlae nɩɩn ɩan kpa kpe.

Abʋ nɩan bobhlaʋn,

A ye dhe ɲʋn pʋʋ bo bhla jhri kpʋn.

A kpa ɲʋn an kpɛˈɛ klɛɛ

Ɲʋndhaghwlu nʋn ʋʋ yʋ ŋwɔn:

‘Abʋ jhi aʋ ye dhe Ɲɔnsoa

Zoovaˈa trʋ kpe mun.’