Ɲʋn ghlʋa bhlʋi dhii ʋa manɩan

ŊMƲƲƐN

ŊMƲƲƐN BETƐƐ DHBHO Bobhlaʋn jhiia ninzɔn ʋa zɩn sea 35 izi ɛ, ʋa bɔan ʋʋ yea dhbho nʋn dhe Betɛɛ, ʋʋ bhɛɛ ʋʋ ye ŋmʋʋɛn ɛn muan nʋɛn Vendredi ɛ jiejhrʋbho mʋn jhi. Ɲʋn an muɛn nɔn e da ɛ yea nʋɛn ɲnɩn si.

BHEƆGLƆ Ɔ BOBHLAƲN AN KLAIN Jezaʋn ʋʋ bhlea zɩn an 23 ɛ jhɛa 65, ʋa bɔan ʋʋ yea ʋa bobhladhbho kpe po ɛ, ʋʋ bhɛɛ ʋʋ ye Bheɔglɔ ɔ bobhlaʋn an klain an ŋmʋʋɛn nɩan dimansi ɛ jiejhrʋbho mʋn jhi. Ɲʋn an muɛn nɔn e da ɛ yea nʋɛn ɲnɩn si.

ƝƲN GHLƲA BHLƲI DHII ƲA MANƖAN

ƝƲINJHAAƲN Ɲʋinjhaaʋn ɲʋn dee o dhi ʋʋ ye aʋ sʋn bho po. Aʋ kɔn gɩn, srɩn ʋa muan aʋ du ɛ, ɩmɩn aʋ ye ŋwɔn jhe. Da aʋ yea kamiɔn paa e da aʋ yea zii e da aʋ yea ide e dhɩ dhee nɩɩn e, ɩan klɛɛ nɩɛn dhe ʋbʋ kwa.

NINZƆNJHIIƐ Ɲʋn yea ninzɔnjhii ɛ, ʋa deɩn ye e ɲan nɩn, bho kpa jhibha, bho ɲʋn se da dhee nɔɔn jeɛ to maʋn ɛn. Samedi ɛ glaepɛɛn ɛn, bho ninzɔnjhiiɛ ɛ bo ye dee ɛ, ɲʋn yea ninzɔnjhii ye ide da ɲʋn ɲʋbʋ deɩn ɛn. Ʋʋ ye ʋa ninzɔnjhiiɛ ɛ mʋnpaadhɩ jha: Bua e mʋnpaadhɛ dhɔɛe e.

BAAN NƲƐN Ɛ nɩn gwhɛi duu ɲʋn za bun wɛe ɲʋn jha kpae e bhleegbai e video e dhɩ dhee nɩɩn da dhruigbooɛ nɛn mʋn, dhe ɛ ye aʋ sʋn bho po a ye Zoova ikʋʋan. Baan aʋ yea nʋɛn, ɔɔ muɛn ɲʋn sʋn bho po ʋʋ ye dhɩ nɩn gei za. Dhe ɔ ye bobhladhbho kwagbɔide da bhlʋa a klɛɛ kpe. Bho aʋa sa bɔn aʋ ye baan nʋɛn, kesi ɲʋn an poa baan dhi ɛ, ɩn dee i dhɩ mun in da dhruigbooɛ nɛn mʋn. Dhɛ oo dhɛ aʋa muan o to ɛ, ɛ dha dhɛ mɛn. Glibha a jebhopoʋn an poɛ aʋ sɛ, dhɛ aʋa dea glibha kwagbɔi ɛ.

ƝƲN DHƖ A POA ƲA DƖ DUƐ Aʋ kɔngɩn, ɛ nɩn ƝƲN POADHƐ GA KPEI da dhruigbooɛ nɩn mʋn ɛn, ʋbʋ ɲʋn an dha.

DHƖ MAAN E DHƖ ƝƲN TƐAN E Bho ɲɔn tɛn dhɛ i ɛ, ɔ kpɛ ɲʋn an dea dhɩ man in. Bho man dhɛ man an, bhɛɛ ye e ŋmʋan mun. Bho jhuzaan maan ɔɔ cɛ jhrii dhe aʋ jheɔ ɔ, aʋ kpɔ e. Ɛ se mɛn aʋ ye ɲnuun mɩɩn dhe ʋbʋ bho gboo nɩn. Aʋ kɔgɩn aʋ du aʋa ɲnuun an dɩ, ʋʋ dei bho aʋ bun.

DEƖN Kɔngɩn naan ɲʋn dhee nʋʋn an dɩ tɔi. Bho ye ɲɔn deɩn siie ɛ, ɛ ye ɲɔn nɩn ghlʋa e gbuzɔn e ɲʋn nɩn jhia e ɲʋn nɩn man cɩan Biiblʋ nɩn. Deɩn sea ɲɔn siee ɛ, man po dhɛ bho ɩn kpe dhe.

ƝƲN AN BƆAN ƲƲ YEA DHBHO NƲN ƐN Bho man sa bɔn ye ɲʋn sʋn bho po dhe ye dhbho nʋn da dhruigbooɛ nɛn mʋn ɛn, mɛn tmʋʋn ɲʋn an ɲɩan ɲʋn dhbho.