Po ˈe ˈkpɩ -ˈye ɲʋn anˈ -pɛɛ iˈtʋn

Proverbes 3:1

DHƐ KƆANDƖ -ˈYEA NƲN ƐN: Po ɲʋn -an poa ʋn -dheinˈˈ bho sʋn bho ʋʋ ˈyeɛ ˈjhe -ka dhɛ -man ˈtmʋan kɔandɩ ˈˈdhe ʋʋ ˈyeɛ ˈˈjhriɛ ˈˈdu ɛ.

-KA -ˈYEA NƲN ƐN:

• Po ɲʋn -an poa ʋn -dheinˈˈ bho sʋn bho ʋʋ ˈye ʋaˈ ˈˈjɛ ɛˈ ˈkmʋn -tɔˈ ˈˈkpe i -naan. Po ˈe ideedɩ- ˈyeɛ nʋn -wɛeˈ ʋʋ ˈyea ʋaˈ ˈˈjɛ ɛˈ ˈkmʋn -tɔˈ ˈˈkpe i -naan an.

• Nʋɛn ʋʋ ˈye dhɩ ˈdhɔɛe -tɔˈ ˈˈkpe i -naan. Pʋbʋ ˈkpɩ ʋaˈ ˈˈjɛ ˈye dhɛ nɩan ˈo -wɛeˈ ʋa nʋan dhɩ ˈdhɔɛe -tɔˈ ˈˈkpe i -naan. Pʋbʋ sʋn bho -wɛeˈ dhɛ ˈyʋbʋ ˈˈtun ˈˈdhe ʋʋ ˈyea dhɩ ˈdhɔɛe nʋn ɛn, ɛ ˈye Zoova aˈ dɩkmaan -e ʋaˈ -boɲiɔn ɔnˈ dɩkmaan -e dhɩ ʋa ˈcɩan ˈdhe Biiblʋ ˈdhi -nɩn. -Ka Biiblʋ aˈ ˈsrɩn anˈ ˈˈjhriɛ ˈˈduɛ nɩan dhɛjɛɛn ɛn, nʋɛn ʋʋ ˈyeɛ ˈˈkpe iˈjhe. -Manˈ kpʋbʋ dɩ ˈˈbhli -dhe. ˈDhe -manˈ bo ɔˈ ˈˈdhrujraaˈ a, -manˈ ˈtmʋn -e dhɛˈ -dhe -wɛeˈ ɛ ˈyʋbʋ ˈkpɩ ˈˈɩghwa, ˈtmʋn dhɛ -ɛ ˈyʋbʋ ˈkpɩ po -wɛeˈ ʋʋ ˈyea dhɩjɛɩn nʋn.

• -ˈBhɛɛ- Zoova aˈ ˈɲnɩn ˈˈɩn. -Ka dhɩ Biiblʋ a tɔɔan ɲʋn -e ʋanˈ ˈtee -e ˈtee ɛˈ -tɔˈ ɔ toa Ɲɔnsoa aˈ kplɩn ɛn, deɛ -jeɛ ˈˈkpe. -Ka ɩan toɛ -ke -ka ɔ kman -aaˈ dɩ ɛ, ˈtmʋɛn ɛnˈ dɩ. Po ɲʋn -an poa ʋn -dheinˈˈ bho ˈkpɩ ʋʋ ˈye Zoova aˈ dhɩjhesʋn ˈbhle ˈˈdhe ʋʋ ˈye ˈe ɔ ˈˈjhri ˈdhe i -nmɔɛn iˈbɔn.