-Ɔ -nɩn Ɲɔnsoa -a?

-Ɛ ˈghwlʋa ˈe see bho ɛ, -glɔɲiɔn ɔn gbɛɛ dhɩ -duuˈˈ ˈˈjhibhaˈ. ˈKlaa, Biiblʋ a ˈtmʋɛn Ɲɔnsoa dhueˈ gbai ɔˈ dɩ, “-ɔ ˈˈbhɛ ɔ ye dhɩ aˈ klɛɛ ɲʋn an gbɛɛa ˈˈjhibha -zii.” (2 Chroniques 2:5) Da -mɔnˈ ˈghwlʋ -ɛ? ˈˈDhe dhɛɛdɩ- ɔ ˈˈbhɛ ɔ -zii dhɩ aˈ klɛɛ ɲʋn an gbɛɛa ˈˈjhibhaˈ -a? Dhɛ Ɲɔnsoa -ˈnɔn ɔn ˈbɔan -ˈyea jhibho- ˈdhe ɔˈ dɩ ˈdhi ɛ, ɛmɛn- ˈcɩaandhɛ- nɛn ɛn mun ʋn -tɔɔn.

1. Ɲɔnsoa aˈ ˈɲnɩn anˈ ˈɲɩnmɛn-, ˈˈdhe dhɛwɛ- -ɛɛ toɛ -ka ɔɔ ˈbɔan -a ˈyea ɔɔˈ ˈɲnɩn jhibho- -ɛ?

Ɲɔnsoa -tɔɔn -aʋ ɔɔˈ ˈɲnɩn ˈmɛn ˈdhe Biiblʋ ˈdhi. Ɔ ˈnaan: “ ˈMɔn- Zoova. ˈMan ˈɲnɩn -nan ˈo.” (Zro Isaïe 42:5, 8.) “Zoova” a, ɛ ˈdha “ɔɔ nʋɛnˈ ɛɛ yea dhɛ ˈkpa” ˈdhe Eble ghwlu ˈdhi. Zoova a ˈbɔn -a ˈye ɔɔ ˈɲnɩn jhibho-. (Exode 3:15) Ɲɔnsoa aˈ ˈɲnɩn ˈcreɛˈ kpɛ ɛˈ 7.000 ˈdhe Biiblʋ ˈdhi!a Zoova, ɛmɛn- -nɩn “Ɲɔnsoa nɩan ˈdhe jhaʋn ˈdhi -e da ˈbhlʋa ˈˈkpe” ɔˈ ˈɲnɩn.​—Deutéronome 4:39.

2. Dhɛwɛ- Biiblʋ a ˈtmʋʋn -aʋ ˈdhe Zoova aˈ dɩ ˈdhi -ɛ?

Biiblʋ ˈnaan ˈdhe dhɩ aˈ klɛɛ ɲiɔʋ a gbɛɛa ˈˈjhibhaˈ ˈˈklu ɛ, Zoova aˈ ˈsʋ -nɩn ɛnˈ ka ɲʋn ˈye ˈˈjhibhaˈ -gbɛɛ. Dhɛɛdɩ- ɛ? Dhɩ -duuˈˈ aˈ dɩ. Zoova -nɩn “ɲʋnbhlei ˈbho ˈbhlʋa aˈ klɛɛ ˈˈdhru.” (Zro Psaume 83:18.) Biiblʋ ˈnaan ɔmɔn- ˈbhle “ˈˈɩkman- anˈ klɛɛ.” Dhɛ -ˈmɛn ˈdha -mɛn -nɩn ɔ ˈbhle ˈˈɩkman- anˈ klɛɛ ˈmɛn -wɛeˈ ɔ ˈye dhɩ aˈ klɛɛ ɔɔ ˈbɔan nʋn. Ɔmɔn- “nʋn ˈdhɩ aˈ klɛɛ”, dhɩ nɩan ˈe jhaʋn ˈdhi -e dhɩ aˈ klɛɛ nɩan da ˈbhlʋa ˈˈkpe. (Révélation 4:8, 11) Zoova aˈ ˈsʋ -nɩn ˈkmʋn -dhe ˈˈdhe ɔɔ muɛn ˈkmʋn -nɩn jheejhee.​—Psaume 90:2.

3. Ɲɔnsoa ˈbhleɛ ˈɲnɩngbaɲnɩn- -duuˈˈ ˈklaa ɔ ˈbhleɛ ˈɲnɩn -dhueˈ gbai

-Ka ɲɔn ɔnˈ ˈɲnɩngbaɲnɩn -e ɔɔˈ ˈɲnɩn sea dhɛ dhueˈ -nɩn ɛn, -bho -ˈyeɛ ˈjhe ɛˈ, Po ˈo VIDEO, -ˈmɛn aʋ ˈtmʋn ideedɩ- nɩan da ˈzɔn da aˈ dɩ.

VIDEO: ˈƝnɩngbaɲnɩn- -duuˈˈ, ˈklaa ˈɲnɩn dhueˈ gbai (0:41)

• Ka ˈɲnɩngbaɲnɩn -nɩn ɲɔn ɔnˈ ˈˈjɛ ɛˈ ˈɲnɩn nʋn ˈˈkpe i zela- sʋn -ɛn?

Biiblʋ a toɛˈ -ka ɲʋn an ˈˈɲɩan ˈdhɩ -duuˈˈ ˈˈdhe ʋa ˈdhaa ɲʋn -ˈnʋʋn ˈbhleʋn ɛn. Zro Psaume 136:1-3, -ˈmɛn aʋ ˈtmʋn ideedɩ- nɩn anˈ dɩ:

• -Ɔ -nɩn “dhɩ ɲʋn an gbɛɛa ˈˈjhibhaˈ aˈ Ɲɔnsoa” -e “ˈbhleʋn anˈ ˈBhlei” -ɛ?

4. Zoova a ˈbɔn -ˈye ɔɔˈ ˈɲnɩn jhibho- ˈˈdhe -ˈyɩ ˈdha

VIDEO: Ɲɔnsoa ˈbhleɛ ɔɔˈ ˈˈjɛ ɛˈ ˈɲnɩn?: Ɛɛˈ ˈfɔ (3:11)

• ˈBhoo- -gwlɩˈˈ ˈdhee, dhɛɛdɩ- Zoova a ˈbɔn ɲʋn ˈye ɔɔˈ ˈɲnɩn jhibho- -ɛ?

Zoova a ˈbɔn ɲʋn ˈye ɔɔˈ ˈɲnɩn ˈdha. Zro Romains 10:13, -ˈmɛn aʋ ˈtmʋn ideedɩ- nɩn anˈ dɩ:

• Dhɛɛdɩ- Zoova aˈ ˈɲnɩn anˈ ˈdhaa -kɔn dɩ -ɛ?

• -Bho ɲɔn se -manˈ ˈɲnɩn bho ˈˈmae- ˈˈdhe ɔ ˈˈsi ˈɲnɩn ɛnˈ, -kawɛ ɛ -nɩn ˈbhoo- -gwlɩˈˈ -ɛ?

• -Bho -man sa Zoova aˈ ˈɲnɩn ˈˈsi ɛˈ, -kawɛ ɛ -nɩn ˈbho ɔ -gwlɩˈˈ -ɛ?

5. Zoova a ˈbɔn -ˈye ɔɔˈ -jhbhɛɛi -nɩn

VIDEO: ˈMan ˈbɔn ˈye Ɲɔnsoa jhibho- -dhe (8:18)

• ˈDhe video nɔn ˈdhi ɛ, -kawɛ Ɲɔnsoa aˈ ˈɲnɩn anˈ jhibhɛ- nʋn Sotɛnɩn anˈ ˈkmʋn ˈˈɩ zian- sʋn -ɛn?

-Bho ɲɔn ˈye -manˈ -jhbhɛɛi -nɩn ɛnˈ, -ˈye ɔɔˈ ˈɲnɩn jhibho- -mɔnˈ ke -tɛnˈˈ. Zro Jacques 4:8a, -ˈmɛn aʋ ˈtmʋn ideedɩ- nɩan da aˈ dɩ:

• Dhɛwɛ- Zoova a ˈbɔn -ˈye nʋn -ɛn?

• -Kawɛ Ɲɔnsoa aˈ ˈɲnɩn anˈ jhibhɛ- -e ɩanˈ ˈdhaa ˈbhɛɛ ɩn ˈye ʋn sʋn bho po -wɛeˈ -nɩn ɔ ˈye -jhbhɛɛ?

DHƐWƐ- ˈCƖAN-?

Ɲɔnsoa nɩan dhueˈ gbai ɔˈ ˈɲnɩn -mɩn -nɩn Zoova. Ɔɔ ˈbɔn -a ˈye ɔɔˈ ˈɲnɩn jhibho- ˈˈdhe -a ˈyɩ ˈdha. Ɛ ˈbhɛɛˈ ɛ ˈyeɛ nʋn -a ˈyeɔ i ˈˈkʋaan-.

Dhɛwɛ- -ˈŋwɔn in -ɛn?

• Dhɛɛdɩ- Zoova -nɩn dhɩ -ˈnɩɩn ɲʋn an gbeea ˈˈjhibhaˈ se dhɛ dhueˈ -nɩn -ɛn?

• Dhɛɛdɩ- -aa ˈdha Ɲɔnsoa aˈ ˈɲnɩn -ɛn?

• Dhɛwɛ- -ɛɛ toɛ -ka Zoova a ˈbɔan -ˈyea ɔɔˈ -jhbhɛɛi -nɩn -ɛn?

ˈBƆN DHƖ -ˈNƖƖN ANˈ I ˈŊWƆAN IN

Dhɩ aˈ kpɛ -mmˈˈ -ɩan- toɛ -ka Ɲɔnsoa nɩan ˈkmʋn ɛn, ˈbɔn ɩanˈ i ˈŋwɔan in.

“Dieu existe-t-il?” (Dɩ ˈghwlʋa ˈo ɛntɛɛnɛtɩ ˈˈkpe ɛ)

-Ka Ɲɔnsoa nɩan ˈkmʋn ˈˈdhe -ˈbhɛɛa -ˈyeɛ -gwlɩˈˈ de ɛ, ɛmɛn- -man mun ˈjhe-.

“Qui a fait Dieu?” (La Tour de Garde, 1er août 2014)

-Bho -a se Ɲɔnsoa aˈ ˈɲnɩn anˈ ˈdhasʋn nɩan -tɛnˈˈ jhibho- ˈzɩan mɔn -dhe ɛˈ, dhɛɛdɩ- -a ˈyea -ɩn nɩan ˈzɩan ˈdha a, ˈbɔn ɛɛˈ i ˈŋwɔan in.

“Qui est Jéhovah?”(Dɩ ˈghwlʋa ˈo ɛntɛɛnɛtɩ ˈˈkpe ɛ)

-Bho -aa sɔ Ɲɔnsoa ˈdhaa aˈ, dɩwɛ- -nɩn ˈo -ɛ? Dhɛ -ɛɛ toɛ -ka ɔ ˈbhlea ɔɔˈ ˈˈjɛ ɛˈ ˈɲnɩn ɛ ka.

“Combien de noms Dieu a-t-il?” (Dɩ ˈghwlʋa ˈo ɛntɛɛnɛtɩ ˈˈkpe ɛ)