ˈTmʋn dhɩ -ɩanˈ dɩ kman ɲʋn ˈˈbhli aˈ dɩ

-Ka Zezi nʋan

VIDEO: Zezi -e ˈɲnʋnkpaoˈ dhueˈ ˈbho ˈˈninbhie ˈˈdhru

1. -ˈJhe VIDEO i -aeˈˈ zro Jean 4:6-9. -ˈMɛn -za ˈe ideedɩ- nɩn:

1. 1. Dhɛwɛ- Zezi de ˈˈjhriɛ ˈˈkpe ˈdhe ˈɲnʋnkpaoˈ -ˈnʋn bho -wɛeˈ ɔ -nɩn ʋan ye -ghwluaˈ -dee -ɛ?

2. 2. Zezi ˈnaan: “A ˈˈɲɩn ˈʋn ˈˈnin ˈye ˈnan.” -Ka Zezi nʋan -ghwluaˈ -dee sʋn ˈdhe ʋn bho ɛ, dhɛɛdɩ- ɛ -nmɔn ˈo dhi -dhe -ɛ?

Dhɛ Zezi nʋan, dhɛwɛ- ɛɛ tɔɔn -abʋ -ɛ?

2. -Bho -a -dee -ghwluaˈ ˈdhe ɲʋn bho ˈbho dhɩ -ɩanˈ dɩ kman ʋbʋ ˈˈbhli ˈˈkpe ɛˈ, -a ˈbhɛɛˈ -a -nɩn ʋbʋ ˈye -ghwlu -kajɔɔnka.

-Sraan Zezi

3. -ˈMan ˈnɛn ˈo dhɛ dhueˈ ˈˈkpe -dhe. Dhɛtosʋn- mɔn ˈbhleea ˈˈdhru ˈdhi -dhe ɛ, ɛ se ʋanˈ dɩ -ˈye ˈtmʋn -nɩn ˈˈkpɔ ˈˈkpɔ. -Bho -ˈye -ghwluaˈ -dee ˈdhe ɲʋn bho ɛˈ, dhɛ ʋʋ nɩan -tɔˈ ˈˈkpei -naanˈ an, ɛmɛn- -ˈye ˈo ˈˈkpe -dee. Dee- -ˈman ˈˈjɛ i:

1. 1. ‘-Manɩanˈ -wɛ -nɩn ˈzɩan -an?’

2. 2. ‘Dhɛwɛ- -ɛɛˈ dɩ ɲʋn ˈˈtiaˈ ˈbhoo ˈˈbun -e ɲʋn -nɩn ˈman nʋʋan dhbho i -aeˈˈ ɲʋn -nɩn ˈɩn nɩan klaingbu- dhueˈ ˈdhi a ˈtmʋn -ɛn?’

4. De dhɩ ˈˈjhriɛ ˈˈkpe. Dee- -ˈman ˈˈjɛ i:

1. 1. ‘Dhɛwɛ- ɲɔn ˈɩn -jhɛɛa -nɩn nʋanˈ -an? Dhɛwɛ- ɔɔ naan -tɔˈ i -kaan -an?’

2. 2. ‘Dhɛwɛ- ɔɔˈ dhɛ ˈmʋn -paa sʋn -e ɔɔˈ -nɩn sʋn -e ɔɔˈ ŋmɛɩnˈˈ an tɔɔn ˈmʋn ˈdhe dhɩ ɔ dea -gwlɩˈˈ -aeˈˈ ɔɔˈ ˈˈbhlidhɩ aˈ dɩ ˈdhi -ɛ?’

3. 3. ‘Ɛ -nmɔn ˈo dhi ˈmɛn ˈye ˈdhe ɔ bho -ghwlu ˈdhe nɔnˈˈ nɔn ˈdhi?’

5. Po -dheinˈˈ dhi.

1. 1. -ˈMan ˈtmʋn dɩ -duuˈˈ -dhe.

2. 2. Po ɲɔn -nɩn -man ghwlua ˈkpɩ ɔ ˈye dɩ nɩan ˈbho ɔ -gwlɩˈˈ ˈtmʋn. -Bho ɛ -nmɔn ˈo dhi ɛˈ, po ˈe ideedɩ.