“Jhe man bho e dhou ŋwɔn”

Da Zezi nɩan da bhlʋa kpe dhe ɛ, ɔ pooɛ ɲʋn tee nɛn ɛn dɩ glʋ bho: ‘Jhe man bho e dhou ŋwɔn.’ (Zɔ 20:12; Mt 15:4) Zezi se dɩ nɩn tmʋn ka, dhɛbhleɛ ɔɔ jɛ jheɛ ɔɔ bho e dhou ŋwɔn da ɔ nɩan jhuzaan. (Lk 2:51) Ɔ kpa ɲɔn jɔɔn ɔn, ɔ deɛ o ɲɔn ɔ ye ɔɔ dhou a dɩ du bho ɔ mɛn ɛn. —Zn 19:26, 27.

Ɲnʋnkpae mɩɩn e ɲmai mɩɩn nɩan kletiɛn zɩan, ʋa jhea ʋa cɛ ŋwɔn dhe ʋʋ jhibha ghluka dhe ʋbʋ bho ɛ, ʋa toɛ ka ʋa bhɛɛ ʋbʋ ɩ ɛ. Srɩn nɩn Biiblʋ ɲɩn aʋ ɛ, ɩn se tian bhle. Bho ʋʋ kpa gɩlɩ mɔn dhe ɛ, a ye ʋa ŋwɔn jheɛ ɲan kpa, ɛɛ dhɛ tu ɛ ɲɩn aʋ tɔ jɔɔn. (Ii 23:22) Bho aa sa ʋa dɩ du dhe aa sa ʋa dɩkman bho ʋa gela nɔn ɔn, ɛɛ toɛ ka aa bhɛɛa ʋbʋ ɩ ɛ. (1Ti 5:8) Ka aa zɩn jhe ɩn di mɔn dhe ɛ, a nɩn aa bho e dhou ye ghluiŋwɔɔn. Bho aa sa ɛɛ dhɛ tu nʋn ɛn, ɛ nɩn ʋa ɩbhɛɛ ke.

PO O VIDEO ƝƆN ƆN DHAA LE TABLEAU S’ANIME COMMENT PARLER À MES PARENTS? MƐN ZA E IDEEDƖ NƖAN DA ZƆN DA:

• Dhɛɛdɩ bhoo gwlɩ dhe man bho e dhou bho ghluɛ kman dhee bho ɛ?

• Bho man sa ghlu dhe man bho e dhou bho ɛ, ka yeɛ to sʋn nʋn ka man jhea ʋbʋ ŋwɔn ɔn?

  

• Dhɛɛdɩ ye e kpɩ po mɔn e man bho e dhou ye ghlu ɛ? (Ii 15:22)