-A po Lɔtɩ ɔˈ ˈɲnɔn ɔnˈ dɩ -glʋˈ bho

Dhɛɛdɩ- Lɔtɩ ɔˈ ˈɲnɔn -ŋmʋn dhe -da ʋan plea ʋan ˈghlʋa ˈe Sodɔmʋn -ɛn? Biiblʋ ˈse ɛɛˈ dɩ ˈtmʋn. (Gn 19:17, 26) ˈKlaa dɩ Zezi ˈtmʋan ˈdhe ɛɛˈ dɩ ˈdhi ɛ, ɩan toɛˈ -ka ɛ nɩan ʋanˈ ˈˈghwlii aˈ dɩ ʋn ŋmʋan dhe ɛ. (Lk 17:31, 32) Ka -a -ˈye nʋn -wɛeˈ -a -ˈye ˈe Zoova ˈˈjhri ˈdhe i -nmɔn ˈˈdhe -a ˈse Lɔtɩ ɔˈ ˈɲnɔn -sraan dhi -ɛ? -Aaˈ kɔɔn ˈˈghwlii ɲanˈ -dhe ˈdhe -aaˈ ˈkmʋn ˈdhi. (Mt 6:33) Zezi ˈnaan ‘-a se ˈbhɛɛ- -a -ˈye Ɲɔnsoa -e ˈˈghwlii aˈ -kʋɔn -nɩn -da -dhueˈ.’ (Mt 6:24) -Bho -a ˈjhean ˈˈghwlii a sa -aaˈ ɲɔnsoadhɛ ˈkɔɔ ɔˈ, -ˈmɛn ka -a -ˈye nʋn -ɛn? -A bhae- Ɲɔnsoa ɔ ˈye -aʋ -tɔˈ -e ˈkpɩ ˈˈɲɩn -wɛeˈ dhɩ -a -ˈyea ˈˈɩzian ˈdhe -aaˈ ˈkmʋn ˈdhi ɛ, -a -ˈyɩ ˈjhe ˈˈdhe -a -ˈye ɩanˈ ˈˈdhru ˈjhaa ˈbhɛɛ-.

-A PO LƆTƖ Ɔˈ ˈƝNƆN ƆNˈ DƖ -GLƲˈ BHO Ɛˈ ˈFƐ TAAN -JHEAˈ I Ɛ, -NAAN ƖN -TƆˈ ˈˈKPE I, -ˈMƐN -ZA ˈE IDEEDƖ- NƖAN DA ˈZƆN DA:

• 

  Ka ˈˈghwlii- -duuˈˈ iˈbɔɛn- nʋn Gloria aˈ -tɔˈ -e ʋanˈ -ghlusʋn -e dhɩnʋnsʋn ˈˈɩzian- sʋn -ɛn?

• Dhɛɛdɩ- -a -ˈye Lɔtɩ ɔˈ ˈɲnɔn ɔnˈ bo ˈsrɩn ˈdhi -za ˈzɩan -an?

• Ka Biiblʋ aˈ ˈsrɩn nʋn Jo -e ɔɔˈ ˈˈgbuzɔncɛ sʋn bho -po sʋn -ɛn?

• Ɲʋn -nɩn Ana a nʋan dhbho ɛ, ka ʋʋ nʋn ʋanˈ ɲɔnsoadhɛ ˈkɔɔ- sʋn -ɛn?

• -Bho ɲʋn an sa -aʋ nɛn ˈˈkpe de -a -ˈye ˈghwɛi ɲan -kɔɔn ˈdhe -aaˈ ˈkmʋn ˈdhi ɛˈ, dhɛɛdɩ- -a -ˈye -pɛɛ i-kuu -ɛ?

• Ka Brisɩ -e Gloria nʋn kplɩn ˈˈɩzian- sʋn -wɛeˈ ʋʋ -kɔɔn ʋaˈ ɲɔnsoadhɛ ɲan -kenɛnˈ ˈdhe ʋaˈ ˈkmʋn ˈdhi -ɛ?

• Biiblʋ aˈ ˈsrɩn -wɛ de ˈˈjhriɛ ˈˈkpe ˈdhe video -ˈnɔn ˈdhi -ɛ?