“-Baanˈ- -a -ˈyea Zoova ˈˈɲɩn ɛn”

Ka -a -ˈye “Zoova -baanˈ- ˈˈjhibhaˈ -jha sʋn nʋn ˈzɩan” -an? (1Ch 29:5, 9, 14) Dhɩ -a ˈbhɛɛa -a -ˈyea i-jhii ˈˈdhe -a -ˈyea Zoova aˈ -Glibha aˈ dhbho kwa gbɔ i de da ˈbhlʋa aˈ klɛɛ ˈˈkpe ɛ, ɩmɩn- -nɩn da ˈzɔn da.

-BAANˈ- -AA NƲAN ˈBHO ƐNTƐƐNƐTƖ ˈˈKPE -AEˈˈ ˈGHWƐI -AA POA ˈE ˈˈKƐSUˈˈ ˈDHI Ɛ, DHBHO ƖAN NƲAN Ɔ KA:

• 

  DHBHO -ƆƆ NƲƲAN DA ˈBHLƲA Aˈ KLƐƐ ˈˈKPE

  ɲɔnsoagbi aˈ poaˈ -e betɛɛ -e ˈˈgbi -ɩn ˈdhe ˈdhi ɲɔn ɔn zaa ˈsɛɩ ghlu i ɩanˈ dɩ ˈˈduɛ-,

  ɲɔnsoadhbho ɔˈ -klainˈˈ,

  ɲʋn dea ɲɔnsoadhbho ɔˈ ˈsʋ ˈˈɩ ʋaˈ dɩ ˈˈduɛ-,

  ɲʋn ˈjhea ˈkledɩ- -klaeˈˈ ʋaˈ sʋn bho -poɛ-,

  ˈsɛɩ aˈ bhlaaˈ -e videe aˈ nʋanˈ -e ɛntɛɛnɛtɩ ɛˈ -deɩn ɛnˈ dɩ ˈˈduɛ-.

• 

  -AAˈ ƝƆNSOAGBU- Aˈ DHBHO

  dhɩ -ɩanˈ dɩ kman ɲɔnsoagbu ˈˈbhli ɩanˈ dɩanˈ -e dhɩ ˈkɔa ˈdhe ˈˈdhruigboogbu ˈdhi ɩanˈ ˈkpa -poɛ-,

  ˈGhwɛi -ɩanˈ ghlu ɲɔnsoagbu cɩan -ɩn ˈyea ˈe betɛɛ ɛˈ mun -wɛeˈ -ɩn ˈyea:

  • ˈˈdhruigboogbi- -mɩɩnˈˈ -e -klaeˈˈ aˈ poaˈ da ˈbhlʋa aˈ klɛɛ ˈˈkpe,

  • ɲʋn -an ˈjhea ˈkledɩ- -klaeˈˈ sʋn bho po ɛ,

  • dhbho -ˈnɩɩn -an nʋan da ˈbhlʋa aˈ klɛɛ ˈˈkpe kwa gbɔ i de ɛ.

ˈˈDHRUIGBOOƐ- -MƖƖNˈˈ -E -KLAEˈˈ -E

-Baanˈ- -aa nʋan ˈdhe -aaˈ ˈˈdhruigbooɛ- -klaeˈˈ ˈmʋn ɛn, ɔɔ muɛn ˈe dhbho -ɔɔ nʋan da ˈbhlʋa aˈ klɛɛ ˈˈkpe ɔˈ ˈˈkɛsuˈˈ ˈdhi. ˈGhwɛi nɩan ˈe ˈˈkɛsuˈˈ -ˈnʋn ˈdhi ɛ, ɩmɩn- -ɩan- de ˈˈdhruigbooɛ- -klaeˈˈ kwa gbɔ i.

-Baanˈ- -aa nʋan ˈdhe kpɔ ˈˈzaan anˈ ˈˈdhruigbooɛ- ˈmʋn ɛn, ɔmɔn- -ɔn de dhbho ɔˈ klɛɛ -ɛɛ nʋʋan ˈbho ˈˈdhruigbooɛ- -ˈnɛn ˈmʋn kwa gbɔ i. -Bho ˈˈdhruigbooɛ -gwɛ jha aˈ, ˈghwɛi sia ˈo ɛ, ɩn ˈbhɛɛˈ ɩn ˈye ˈdhe dhbho -ɔɔ nʋan da ˈbhlʋa aˈ klɛɛ ˈˈkpe ɔˈ ˈˈkɛsuˈˈ ˈdhi mun.