-Man ˈjhe Ɲɔnsoa aˈ kplɩn ˈmɛn ˈdhe dhɩ jhia -aʋ ˈdhe i ˈmʋn?

-Bho -man sa ˈflɛɛ- ɛˈ kulɛɛ -e ˈcanzɩn- nɩan ˈe jhaʋn ˈdhi -e ˈˈnin ɛnˈ ˈˈjhri -crɛ sʋn jha ŋmʋn ɛnˈ, -man ˈjhe dhbho Ɲɔnsoa nʋan ˈˈkpei ˈmɛn? Dhɩ jhia -aʋ ˈdhe i ɛ, ɩan toɛ Ɲɔnsoa aˈ kplɩn. (Rm 1:20) -Bho -aa sa dhɩ Ɲɔnsoa nʋan -tɔˈ ˈˈkpei naan anˈ, -a ˈbhɛɛˈ -a ˈye ɔɔˈ ˈˈɩkmaan- -e ɔɔˈ ɲʋndɩkmaan- -e ɔɔˈ -tɔˈdhinɩɛn- -e ɔɔˈ ˈˈɩˈsrɛ- -e ɔɔˈ -glʋˈnmɔɛn ˈˈkpei ˈjhe.—Ps 104:24.

Zoova aˈ nʋʋndhɩ- -wɛ -man de ˈˈjhriɛ ˈˈkpe zɔn ooˈˈ zɔn -ɔn? -Bho ˈˈti ˈo ˈˈkwiglɔ ˈdhi mɔnˈ -dhe ɛˈ, -ˈbhɛɛˈ -ˈye ti -e nɩmɩn ˈjhe. -Bho -aa sa dhɩ Zoova nʋan jha ŋmʋn -kajɔɔnka aˈ, ɛɛ muɛn -nʋn -aaˈ -zɔnˈdɩ ˈye ˈˈkpe -cɛn ˈˈdhe -a ˈye dhɩ kɔandɩ ˈˈdhru ˈdhi ˈbhlee-. Ɛɛ muɛn -nʋn -ke -a ˈyeɛ -gwlɩˈˈ de -kenɛnˈ -ka Zoova ˈbhɛɛa ɔ ˈyea -aaˈ dɩ ˈˈdu ˈsʋ ɛ ˈsea ˈˈtianˈ ˈbhlei ɛ. (Mt 6:25-32) -Bho -bhleˈ ˈˈɲnuun ɛnˈ, pʋbʋ sʋn bho ʋʋ ˈye Zoova aˈ kplɩn ˈˈkpei ˈjhe. -Bho -aa sa dhɩ jhia -aʋ ˈdhei -tɔˈ ˈˈkpei naan anˈ, ɛɛ muɛn -nʋn -a ˈye Ɲɔnsoa i ˈˈkʋʋan-.—Ps 8:3, 4.

PO ˈO VIDEO DHƖ JHIA -AƲ ˈDHEI ƖAN TOƐ ƝƆNSOA Aˈ ˈƝNƖN ANˈ ˈˈƖ ˈBHƖƐ-: ZƆN -E KULƐƐ -E, -ˈMƐN -ZA IDEEDƖ- NƖAN DA ˈZƆN DA:

• Dhɛɛdɩ- -aa ˈjhe kulɛɛ -ɛ?

• Dhɛwɛ- -ɛɛ nʋɛn -wɛeˈ dhɩ -ˈnɩɩn anˈ ku a crɛ ˈˈjhri -ɛ?

• Dhɛɛdɩ- jhaʋn anˈ kulɛɛ ziian-?

• Dhɛwɛ- Ɲɔnsoa nʋn -ɛɛˈ kulɛɛ nmɔn- ˈˈjhrii -jheˈ ˈbho -manˈ ŋmɛinˈˈ ˈˈbun -ɛn?

• Dhɛɛdɩ- -a -ˈye nɔnˈˈ ˈmʋn ˈˈdhuo- -a -ˈye dhɩ jhia -aʋ ˈdhei jha -ŋmʋn -kajɔɔnka -a?