KLETIƐN ƐNˈ ˈKMƲN

-Za ˈo ˈplʋjhriizadhɩ- ˈjɛɩn

Dhɛɛdɩ- -a ˈye ˈo ˈplʋjhriizadhɩ- ˈjɛɩn -za -a? Dhɛ nɩan ˈo ɛ, ɛmɛn- -nɩn dhɩ -aa ˈjhea i -e ˈdhɩ -aa poa -dheinˈˈ bho -e ɛntɛnɛtɩ ɛˈ -deɩn- -aa muan ˈo ˈˈkpe -e dhɩ -aa zroa ˈdhii -e dhɛ ooˈˈ dhɛ -aa zaa ˈplʋ ˈˈjhrii ɛ, ɩmɩn- -an ˈˈjhi ˈdhe -aaˈ -tɔˈ bho. Dhɩ -aa zaa ˈplʋ ˈˈjhrii ɛ, ɩmɩn- -an man -aaˈ kplɩn. Dhɛ ˈbhlea -ghwɛe ɛ, ɛmɛn- -nɩn ˈdhe ˈplʋjhriizadhɩ- -duuˈˈ ˈdhi ˈzɩan an, dhɩ -a ɲaan Zoova i ɩmɩn- -nɩn ˈe. (Ps 11:5; Ga 5:19-21) Ɛɛˈ dɩ Biiblʋ a po -aʋ ˈkpɩ -wɛeˈ dhɩ -a ˈbhɛɛa Zoova aˈ ˈɲnɩn ɛn, -a ˈye ɩanˈ i ˈbɔanˈ ɲan kpa.—Php 4:8.

-ŊMUN VIDEO COMMENT BIEN CHOISIR NOS DIVERTISSEMENTS? JHA, -ˈMƐN -ZA ˈE IDEEDƖ- NƖAN DA ˈZƆN DA:

Wlɔmkɔʋn- nɩan ˈˈtɛn ɛnˈ ˈplʋjhriizadhɩ- -ɩn ˈdhe ˈdhi ʋa vɔan ˈsʋ ʋa ˈdhbha bha, -kawɛ ɩn -nɩn ˈplʋjhriizadhɩ- -ˈnɩɩn nɩan ˈzɩan nʋn gʋɔ- sʋn -ɛn?
-Kawɛ ˈdhoudhi -ˈˈwe -ʋaˈ ɲɔnsoadhɛ kuai ˈbhɛɛˈ ʋʋ ˈye ɲʋnjhae sʋn bho po -wɛeˈ ʋʋ ˈye ˈo ˈplʋjhriizadhɩ- ˈjɛin -za?
-Kawɛ Romains 12:9 ˈbhɛɛ ɩn ˈye -aʋ sʋn bho po -wɛeˈ -a ˈye ˈo ˈplʋjhriizadhɩ- ˈjɛɩn -za?
ˈPlʋjhriizadhɩ- ˈjɛɩn -wɛ -nɩn ˈdhe -manˈ kpɔ ˈdhi -ɛ?

ˈPLƲJHRIIZADHƖ- -ƖAN- KUUA ƝƲN IN -E -JƖN -AN VLAAN ƝƲN -E

ˈPlʋjhriizadhɩ- nɩan ˈzɩan an, ɩanˈ -da -duuˈˈ a vlaan ɲʋn. Dhɩ ɲʋn -ˈnʋʋn -naan -tɔˈ i -wɛeˈ ʋʋ nʋan, ɩmɩn- ɲʋn an to ˈdhe fimʋn -e livrʋ -e tele ˈdhi, ɛ se -mɔn -ɔn ŋmɩn jha -manˈ ˈˈjɛ ɛˈ dhɩ -naan tɔˈ i ˈˈdhe nʋan -nɩn. ˈPlʋjhriizadhɩ- -ɩn sea -aaˈ ˈˈjɛ ɛˈ tɔˈinaandhɩ -nɩn ɛn, ɩn se dhɛsaʋn- -nɩn, ˈklaa ɲʋn -duuˈˈ a za ˈo ˈplʋjhriizadhɩ- -ɩn ˈdhe ˈdhi ʋaˈ ˈˈjɛ ɛ naan tɔˈ i ˈˈdhe ʋa nʋan dhɛ. Dhɛbhleɛ, ɩan poɛ ˈo dhɛ. Ɛɛˈ dɩ, ɲʋn -ˈnʋʋn -kman gitaa -e -dhiɛnˈˈ- -e dhɩ -ˈnɩɩn -an bhla misiki aˈ ˈplʋjhriiˈˈ -za dɩ. -ˈNʋʋn -kman balɔn -e ˈkwlɩ ˈzɔin -muɛn- -e desɛn ɛnˈ po -dɩ -ke. -Ka ˈplʋjhriizadhɛ- -aa -za ˈo ˈjhe ɛ -nɩn mɔn -dhe ɛˈ, “dhɩ aˈ klɛɛ -aa nʋan ˈye Ɲɔnsoa aˈ ɲnɩn ˈˈɩn ˈbhɛɛ-.”—1Co 10:31.