Aʋ -za -nɩnsʋn- soa i, aʋ -paa -nɩnsʋn- -dhee ˈmʋn

3:5-14

Jhia ˈdhe tɔˈdɩ ˈdhi ɛ, zian- dhɩ -duuˈˈ ˈˈɩ ˈdhe -manˈ kplɩn ˈdhi? Dhɛ -ˈyea jhibho ɛ, ɛmɛn- -nɩn ˈkpɩ poa ˈe -wɛeˈ zian -manˈ kplɩn ˈˈɩn ɛn, ɩn nʋɛn Zoova ˈtʋn. (Éz 33:11) ˈKlaa -bho ˈse ˈbɔn -manˈ -nɩnsʋn- soa aˈ kplɩn ˈye ˈdhe jhi ɛˈ, -ˈye ˈe ˈkpɩ po jheejhee -wɛeˈ -ˈye -manˈ -nɩnsʋn- -dhee aˈ kplɩn ˈbhle. -Za ˈe ideedɩ- nɩan da ˈzɔn da -wɛeˈ dhɩ -ˈyea ˈˈɩ zian- ˈdhe -manˈ kplɩn ˈdhi ɛ, -ˈye ɩanˈ dɩ tɔˈ ˈˈkpe i -naan:

• -Bho ɲɔn nʋn ˈʋn dhɛsaʋn ˈˈdhrui -aeˈˈ ɔ ˈse -glʋˈ -nmɔn ˈdhee bho ɛˈ, ˈman ˈkpɔɔ ˈcɛn?

• -Bho ˈɩn se nɔnˈˈ ˈbhle -aeˈˈ -bho ˈɩn sea aˈ, ˈman ˈmain ˈmɛn?

• -Bho ˈɲnɩnzanˈ -nʋʋɛn- ˈkpa ˈe ˈman -tɔˈ bho ɛˈ, ˈman ˈˈdooˈ ˈman yɩ ˈe ˈˈdhru ˈdhi za?

• Ɲʋn -ˈnʋʋn -nɩn ˈɩn sea ku dhueˈ ˈbhle -aeˈˈ -ʋʋ -nɩn ˈɩn sea ˈbhlʋa- dhueˈ ˈdhi ˈghwlʋ ɛ, ˈɩn se ʋaˈ dɩ -kman?

• ˈNɔn ˈghwɩ nɩn ˈdhi ɛ, ˈɩn ˈse ˈman ˈˈjɛ i kpʋn ˈɩn ye ghwlu -saʋn po ˈdhe ɲɔn bho?