-Nɩn ɲʋn kman Zoova aˈ dɩ -nan

Dhɛɛdɩ- -a -nɩn ɲʋn kman Zoova aˈ dɩ ˈye -nan? Ɲʋn -nɩn -aa nan ʋʋ ˈbhɛɛˈ ʋʋ ˈye -aʋ ˈˈtʋn -a ˈye dhɛjɛɛn- -aeˈˈ dhɛsaʋn nʋn. (Pr 13:20). Dhɛ -ɛɛ toɛ ɛɛˈ kpɔ dhueˈ mɛn -nɩn dhɛ ˈBheɔ Zooasɩ muan -wɛeˈ ɔ -nɩn ˈsraazai- -klaaˈˈ Zooiada a nan, ɛ nʋɛnˈ ɔ ye “dhɛ ˈsrɛa ˈˈɩ ˈdhe Zoova ˈˈjhri ˈdhe” nʋn (2Ch 24:2). ˈKlaa Zooiada ˈmɛan, Zooasɩ ɔˈ -jhbhɛɛʋn- saɩn nʋɛnˈ Zooasɩ ye ˈo Zoova ˈdhe ˈghwlʋ.—2Ch 24:17-19.

ˈDhe kletiɛn -ˈˈwe kɔan ɲan anˈ nɔnˈˈ ɔn, dhbhoi- Pɔʋ pooɛ- dɩ ˈˈɩ ɔ ˈnaan, -ka ˈˈgbu -klaaˈˈ nɩan ˈkamɔn- ɲɔnsoagbu -nɩn ˈˈdhe ɲʋn nɩan ˈe ʋn ˈdhi ɛ, -ka ˈˈtieɩ- -aeˈˈ dhɩ ɲʋn an nʋan dhbho ˈdhe ˈˈgbu nɩan ˈkamɔn- ʋbʋ -nɩn. Ɲʋn -an nʋan ˈdhɩ -a ɲaan Zoova i ˈdhe -a bho ˈˈgbuzɔnˈ, ˈdhe ɲɔnsoagbu ˈdhi -aeˈˈ ˈdhe kpaeˈˈ ɛ, -bho -aa sʋbʋ bho tɛɛn ɛnˈ, -aa muɛn “dhbhonʋʋndhɩ- ˈdha dhɛ” -nɩn. (2Tm 2:20, 21) Ɲʋn kman Zoova aˈ dɩ ˈˈdhe -ʋa- po -aʋ ˈkpɩ -wɛeˈ -a ˈye ɔɔˈ dhbho nʋn ɛn, -a -nɩn ʋbʋ kpa -naanˈ ɲan.

-ˈJHE VIDEO APPRENEZ À REJETER LES MAUVAISES COMPAGNIES I, -ˈMƐN -ZA ˈE IDEEDƖ NƖAN DA ˈZƆN DA:

• -A ˈbhɛɛˈ -a ˈsɩ jhibho i ˈsʋ -a -nɩn dhaɩˈˈ -ˈˈwe saɩn- ˈye -nan. -Kawɛ -ɛ?

• ˈDhe video nɔn ˈdhi ɛˈ, dhɛwɛ- po kletiɛn -ˈˈwe taan -ˈnʋn sʋn bho -wɛeˈ ʋʋ -nɩn -jhbhɛɛʋn- saɩn ˈbhɔ -nan dɩ -ɛ?

• Biiblʋ aˈ ˈsrɩn -wɛ ˈbhɛɛ -ɩn ˈye ʋn sʋn bho po -wɛeˈ ˈye ˈo -jhbhɛɛʋn- ˈjɛʋn -za?