Dhɛwɛ- -kɔndɩ ˈjɛɛn- ˈdhe ˈman ˈkmʋn ˈdhi -ɛ?

Zakɔbʋ -nɩn dhbhoozuu- vɔn -gbaˈ dhɛ dhueˈ -ɛ kɔandɩ ɛˈ dɩ: Zoova aˈ ˈˈniman-. (Gn 32:24-31; Os 12:3, 4) ˈˈDhe -abʋ ˈdhe? -Aa po ˈe ˈkpɩ ˈmɛn -aa ˈyea Zoova ŋwɔn ˈjhe ˈˈdhe ɔ ˈye -aʋ ˈˈniman po? -Bho -a ˈye ˈo ˈˈdhruigbooɛ ˈmʋn -muɛn- -e nʋn dhbho -wɛeˈ ɲʋn ˈye -manˈ geiˈˈ ˈˈkpe po ˈɲnɩn -za aˈ, dhɛwɛ- -aa mun ˈo -za? -Bho -aa sa -pɛɛ dhe za -aa sa -aaˈ nɔnˈˈ -e -aa ˈkpɩ -e -aaˈ ˈˈghwlii Zoova ˈˈɲɩn ɛnˈ, “ɔɔ muɛn ɔɔ ˈˈniman ˈcɛi- ˈbho -a ˈˈkpe ˈsʋ ˈˈniman- dhueˈ ka ˈse keman- in.” (Ml 3:10) Ɔɔ muɛn -aʋ jie bho -po, ɔɔ muɛn -aʋ ˈdhei -fuo- ˈˈdhe ɔɔ muɛn -aaˈ dɩ ˈˈdu.—Mt 6:33; Hé 13:5.

-ˈJHE VIDEO NƆN IN, -MANˈ ˈˈMAE DHƖ -MAN ˈBƆAN -ˈYEA NƲN ˈDHE ƝƆNSOADHBHO ˈDHI BHO -DHE, -ˈMƐN -ZA ˈE IDEEDƖ- NƖN:

• 

  Dhɛ -ɛɛˈ dɩ ˈdhoudhi -ɲnʋnkpaoˈ -ˈnʋn kman ka ɛ nʋn ˈe dhɛ sea ˈo inmɔn- ˈdhi -po sʋn -ɛn?

• 

  -Kawɛ -aaˈ dhbhojhei ˈbhɛɛˈ ɔ ˈye nʋn -wɛeˈ -a ˈye ˈe dhɩ sea ˈo inmɔn- ˈdhi ˈkpa -a?

• 

  -Bho Timote ɔˈ ɲɔnsoadhɛ kui mɔn -dhe ɛˈ, dhɛɛdɩ- ɔ ˈye ɲɔnsoadhbho ɔˈ nʋanˈ i ˈbɔn -ɔn?—1Tm 4:16

• 

  Dhɛwɛ- -a ˈye nʋn -wɛeˈ ɲʋn ˈye “dhbho kɔandɩ” ˈdhe -aaˈ ˈkmʋn ˈdhi ˈˈkpe i ˈjhe -ɛ?