Ɲʋnjhae-: Zoova -nɩn aʋaˈ -jhbhɛɛi- -klaaˈˈ?

Kplɩn -wɛ aʋa ˈbɔn aʋaˈ -jhbhɛɛi ˈye ˈbhle -ɛ?. Ɛgwɛ aʋaˈ ˈbɔn ɔ ˈye ˈo ɲʋn ˈˈbun in kpʋn, ɔ ˈye ˈdhiŋwɔnmɔn-, ˈˈdhe ɔ ˈye -glʋˈ -nmɔn -ke. Zoova ˈbhle kplɩn -ˈnɩn anˈ klɛɛ ˈmɛn. (Ex 34:6; Ac 14:17) -Bho -man sa bhae ɛˈ, ɔɔ poɛ -ʋn -dheinˈˈ bho ˈˈdhe -bho -nɩn ˈe ˈkledɩ ˈdhi -ke ɛˈ, ɔɔ poɛ ʋn sʋn bho. (Ps 18:19, 35) Ɔɔ ˈŋwɔɔn -manˈ dhɩsaɩn anˈ ˈgɩn ˈmɛn. (1J 1:9) Ɛ se doo- da ˈbhle, Zoova -nɩɛn- -jhbhɛɛi- ˈjɔɔn-!

Ka -ˈye nʋn ˈˈdhe -nɩn Zoova ˈye -jhbhɛɛ? Zro ɔɔˈ Ghwlu ˈdhii -wɛeˈ -ˈyeɔ jhibho-. ˈTmʋɔn dɩ nɩan ˈbho- -gwlɩˈˈ. (Ps 62:8; 142:2) Toɛ -ka dhɩ kɔandɩ ˈdhe Zoova ˈˈjhri ˈdhe -ɩn nɩan ɔɔˈ ˈˈJhu -e ɔɔˈ ˈBheɔglɔ -e dhɩ -ɩanˈ ghwlu ɔ cɩan ɔ ˈyea nʋn ˈdhe ˈkmʋn anˈ ɲan ɩn -kɔandɩ ˈdhee- ˈˈjhri ˈdhe -ke ɛ. ˈTmʋn ɔɔˈ dɩ ˈdhe ɲʋn -ˈnʋʋn bho. (Dt 32:3) -Bho -man sa -jhbhɛɛ nɩan ˈo mɔn -e Zoova ˈɲnɩn i kuu ɛˈ, ɔɔ muɛn -manˈ dhaiˈˈ -nɩn jheejhee.—Ps 73:25, 26, 28.

-ˈJHE VIDEO NƆN IN: ˈƝNƲNKPAEˈ -MƖƖNˈˈ -E ƝMAI- -MƖƖNˈˈ: “AƲ DƖƐNˈ ŊWƆN AƲ ˈYEƐ ˈJHE -KA ZOOVA NMƆAN ˈDHI ŊWƆN”, -ˈMƐN -ZA ˈE IDEEDƖ- NƖAN DA ˈZƆN DA:

• 

  Ka -ˈye -manˈ ˈˈjɛ kpɔˈˈ -po sʋn nʋn -wɛeˈ -ˈye -manˈ ˈkmʋn Ɲɔnsoa kwa de ˈˈdhe -ˈye ˈˈnin ˈzɔn -jhii- -ɛ?

• 

  Ka ɲʋn -ˈnʋʋn nɩan ˈe ɲɔnsoagbu ˈdhi ˈbhɛɛˈ ʋʋ ˈye ʋn sʋn bho po ˈˈdhe -ˈye Zoova aˈ dhbho nʋn -ɛn?

• 

  -Kawɛ -bobhladhbho ɔɔ nʋn -jhbhɛɛ nɩan ˈo mɔn -e Zoova ˈɲnɩn i -kuu sʋn -ɛn?

• 

  Ɲɔnsoadhbho- -wɛ -ˈbhɛɛˈ -ˈye nʋn -ɛn?

• Zoova aˈ kplɩn -wɛ -ɛɛ nʋn ʋn ˈtʋn -ɛn?