-Za ˈo Zoova aˈ ˈˈɲɩanˈ

-Bho -nɩn Biiblʋcɩain -aeˈˈ -bobhlai- -ɔ ˈsea ˈˈninzɔnˈ -jhii ɛˈ, -man naan ˈˈninzɔnjhiiɛ- ɛˈ dɩ tɔˈ i ˈmɛn? Dhɛɛdɩ- -ˈye ˈˈninzɔnjhiiɛ- i ˈbɔn -ɔn? Dhɛ nɩan ˈo -mɛn -nɩn ˈˈjɛ ɛˈ ˈkmʋn Ɲɔnsoa kwa -deɛ -e ˈˈninzɔnjhiiɛ ɛ nʋɛnˈ jhbhɛɛ- nɩan ˈo abʋ -e Ɲɔnsoa ˈɲnɩn ɛn yea i ku. (Ps 91:1) Ɩn ˈbhɛɛ ɩn ˈyeɛ nʋn -ke -a ˈye ˈkmun -sie-. (1P 3:21) Ka -ˈye -manˈ ɲɔnsoadhɛ ɛˈ i -kuu sʋn nʋn ˈˈdhe -ˈye ˈˈninzɔnˈ -jhii -ɛ?

Nʋɛn ˈyeɛ ˈˈkpe i ˈjhe -ka dhɩ -man ˈcɩan nɩan tɔˈdɩ ɛ. -Manˈ ˈˈjɛ ˈbɔn -manˈ ideedɩ aˈ ˈdhe -zaa i. (Rm 12:2) Dhɩ nɩan ˈˈɩ zian- ka ˈdhe -manˈ ˈkmʋn ˈdhi ɛ, ˈbuin. -Bho -ˈye dhɛ ˈˈɩ zian anˈ, ɛ ˈye ˈe Zoova aˈ ˈˈjhriɛ ˈdhe inmɔɛn- ɛnˈ dɩ ˈdhi -nɩn. (Pr 27:11; Éph 4:23, 24) Bhaeɔ jheejhee ɔ ˈye ʋn sʋn bho po. Deɛ -gwlɩˈˈ -ka Zoova a muan ɔɔˈ -zuu i -jhii ɔ ˈyea -ʋn sʋn bho po ˈˈdhe ɔ ˈyea -ʋn i -kuu ɛ. (1P 5:10, 11) ˈKpɩ -man poa ˈe se ˈˈjhai -nɩn. Dhɛ ˈyea dhɛ ˈdha -ɛ ˈyea Zoova aˈ ˈˈɲɩan -zii ɛ se -nɩn! Ps 16:11.

-ˈJHE VIDEO NƆN IN, DHƖ -ˈYEA NƲN ˈˈDHE -ˈYEA ˈˈNINZƆNˈ -JHIIƐ, -ˈMƐN -ZA ˈE IDEEDƖ- NƖN:

• ˈKledɩ- -wɛ ɲʋn -ˈnʋʋn ˈjha ˈˈdhru ˈˈdhe ʋʋ -jhii ˈˈninzɔnˈ -ɔn?

• Ka -ˈye nʋn -wɛeˈ -manˈ dhɛgwlɩdeɛ- ˈye i ku ˈˈdhe -ˈye -manˈ ˈkmʋn Ɲɔnsoa kwa de -ɛ?

• Dhɛwɛ- ˈˈtun ɲʋn -ˈnʋʋn ˈˈdhe ʋʋ po ˈe kpɩ -wɛeˈ ʋʋ -jhii ˈˈninzɔnˈ -ɔn?

• Ɲʋn -ʋa- za ˈo Zoova aˈ ˈˈɲɩan an, ˈˈniman -wɛ ʋa ˈjhee ˈbho -ɛ?

• Dhɛ ˈˈjɛ ɛˈ ˈkmʋn Ɲɔnsoa kwa -deɛ -e ˈˈninzɔnˈ -jhiiɛ- ˈdha?