ˈˈGHWLII- NƖAN ˈE ƝƆNSOA Aˈ GHWLU ˈDHI

Zoova a poɛ ɔɔˈ ˈcɛ kpɔˈˈ

[Po ˈo Nombres ɛˈ ˈsɛɛ ɛˈ ˈˈjhriikʋaan- anˈ video.]

ˈDhe Israɛkɔʋn anˈ kamanˈ ˈdhi ɛ, -ŋmɛinˈˈ ˈcɛ ɛ kpɛ taan -an ˈˈti -da dhueˈ. (Nb 1:52, 53; w94-F 1/12 9 § 4)

Ɲʋn nɩan ˈe Israɛkɔʋn anˈ kaman ˈdhi -dhe ɛ, ʋaˈ klɛɛ ˈbhɛɛ ʋʋ ˈye 3.000.000 -nɩn -aeˈˈ ʋʋ ˈbhɛɛ ʋʋ ˈye ˈo dhi zi. (Nb 2:32, 33; it-1-F 385)

Zoova a ˈbɔn ɔɔˈ ˈcɛ ˈye kpɔˈˈ -pooɛ- -kajɔɔnka ˈbho ɔɔˈ ˈˈɲɩan. Ɛɛˈ dhɛ tu -mɛn ɛn nʋʋɛn ˈdhe Israɛkɔʋn anˈ nɔnˈˈ -dhe, -ɛ nɩan dhueˈ -mɛn ɔɔ ˈbɔn ˈzɩan -ke.—1Co 14:33, 40.

-Ka Israɛkɔʋn anˈ kaman nʋan kpɔˈˈ -desʋn ɛn, ɔɔˈ desɛn. Tabɛɛnakɩ -nɩn ˈo gwɛa. Ɲʋn -ʋʋ ˈˈkʋaan tabɛɛnakɩ i ɛ, ɛ levi ɔɔˈ ˈcɛdhru-: Aalɔn ɔnˈ ˈcɛ -nɩn ˈnɔn ˈˈjhrʋ a ˈghwlʋa, Keatitɩ -ˈˈwe -nɩn ˈdhe ˈzɔn in, Gɛɛsonitɩ -ˈˈwe -nɩn ˈnɔn ˈˈjhrʋ a pɛan in, ˈˈdhe Mararitɩ -ˈˈwe -nɩn ˈe ˈˈdhru bho. Israɛkɔʋn anˈ ˈcɛdhrɩ nɩan 12 -ʋʋ sia ˈo ɛ, ʋʋ -tɛɛn bho. ˈNɔn ˈˈjhrʋ a ˈghwlʋa Isakaa -e Zuda -e Zabulɔnɩn -nɩn ˈe. ˈDhe ˈzɔn in ɛn, Gadɩ -e Rubɛnɩn -e Simeɔn -nɩn ˈe. ˈDhe ˈnɔn ˈˈjhrʋ a pɛan in ɛn, Bɛnzamɛn -e Eflaimʋn -e Manase -nɩn ˈe. ˈDhe ˈˈdhru bho ɛ, Nɛftali -e Danɩn -e Asɛɛ -nɩn ˈe.

DEE- -MANˈ ˈˈJƐ DƖ NƖN IN: ‘-Ka ˈman dea Zoova aˈ -glibha- sɩn ˈdhe i ˈdhe ˈman -pɛɛ ɛˈ klɛɛ ˈmʋn ɛn, kawɛ- ˈɩn ˈbhɛɛ ˈyeɛ -to -ɛ?’