Ɲʋnkplɩnkwaiza-: Zoova aˈ ɲʋndɩkman- anˈ kpɔ dhueˈ

Ɲʋnkplɩnkwaiza- ˈdha ɲʋndhɛtɔɔn- -e ɲʋnsrɩnduɛ-. Zoova a za -aʋ kplɩn kwai -wɛeˈ -a ˈyeɔ ˈˈɲɩn -ka ɔɔ ˈbɔan. (Rm 12:1; Hé 12:10, 11). -Zɔn nɔɔnˈ ɔn, -bho ɲʋn za -aʋ kplɩn kwai ɛˈ, ɛ ˈbhɛɛˈ ɛ ˈye -aʋ i ˈˈghwee-. ˈKlaa ɛɛ nʋɛnˈ -aa ˈyea ˈˈɩsrɛˈ ˈˈdhe -aa yea ˈˈnɩman ˈjhe. (Pr 10:7) Ɲʋn -an za ɲʋn kplɩn kwai -e ɲʋn ɲʋn an za kplɩn kwai ɛ, dhɛwɛ- ʋʋ ˈse bho ˈˈmae- dhi -ɛ?

Ɲɔn -ɔn za ɲʋn kplɩn kwai ɛ: Ɲankɔʋn- -e ˈˈɲnuunbhleʋn -e ɲʋn -ˈnʋʋn an poɛ ˈe ˈkpɩ ʋa yea ɲʋn kplɩn kwai za ˈdhe ɲʋndɩkman -e ˈdhiŋwɔnmɔɛn- ˈmʋn -ka Zoova a nʋan. (Jr 46:28) Ka ɲʋn ˈyea ɲɔn kplɩn kwai -za sʋn nʋn -bho ɛ -nɩn dhɛsaʋn- ɔ nʋan ˈye ˈˈjhrii gʋʋɔ- mɔn -dhe ɛˈ, ɛ ˈye -nʋʋɛn- ˈdhe ɲʋndɩkman ˈmʋn.—Tt 1:13.

Ɲɔn ɲʋn an za kplɩn kwai ɛ: Ɲʋnkplɩnkwaizasʋn -deeɛ kpɛ. -Ka ɛ ˈjhe ɛ -nɩn ɛnˈ, -a ˈye ˈˈdooˈ- -a ˈyeɛ ˈŋwɔɔn-. (Pr 3:11, 12) Dhɛ -a sea i -gwɛ ɛ, ɛ -kɔndɩ ɲʋn ˈye -aʋ kplɩn kwai -za. Dhɩ -aa zroa ˈdhii ˈdhe Biiblʋ ˈdhi -e -aa ˈŋwɔan ˈdhe ˈˈdhruigbooɛ ˈmʋn ɛn, ɩn ˈbhɛɛˈ ɩn ˈye -aʋ kplɩn kwai -za. -Zɔn -dhee -ˈnɔɔn -ke ɛ, ɲankɔʋn anˈ kpɔ ˈye ɲʋn -ˈnʋʋn kplɩn kwa i -za. -Bho ɲʋn za -aʋ- kplɩn kwai ˈˈdhe -aa seɛ sɩn ˈsɔɔn kpʋʋn ɛnˈ, -aaˈ ˈkmʋn an muɛn ˈdhɔɛe ˈmʋn -nɩn ˈˈdhe ʋn ˈse ˈˈtian ˈbhle i.—Pr 10:17.

-ˈJHE VIDEO NƆN IN:“ƝƲN -ANˈ DƖ ZOOVA KMAN AN, ƆƆ ZƲBƲ KPLƖN KWAI” -ˈMƐN -ZA ˈE IDEEDƖ NƖAN DA ˈZƆN DA:

• 

  Ka Kanɔn ɔnˈ ˈkmʋn -nɩn ˈbho -deenanˈ -dhe ɛ, ˈˈdhe -kawɛ ʋn nʋn ˈˈɩ zian- sʋn -ɛn?

• 

  Ka Zoova nʋɔn kplɩn kwai -za sʋn ˈdhe ɲʋndɩkman- ˈmʋn -ɛn?

• 

  Dhɛwɛ- ɔɔˈ bo ɔ tɔɔn -abʋ -ɛ?