ˈGhwlʋ nɛnˈ in ˈbho ɲʋndhɛtɔɔn- -nanˈ

Nɛnˈ in ˈghwlʋɛ- ɛ ˈtʋɛn ɲʋn anˈ -pɛɛ i. -Bho -a sa nɛnˈ in ˈghwlʋ ɛˈ, ɛɛ nʋɛnˈ ɲʋn an yea -aʋ- -dheinˈˈ bho po. Ɛɛ toɛˈ -ka dɩ -aa ˈtmʋan ˈdha dhɛ ˈdhe -aaˈ ˈˈjɛ ˈˈjhri ˈdhe ɛ. -Ka -a ˈjhe -a -nɩn ˈˈdhe -da -a ˈghwlʋa -ka ˈbho ˈjhe ɔ -nɩn mɔn -dhe ɛˈ, -a ˈbhɛɛ -a ˈye nɛnˈ in ˈghwlʋɛ- ˈcɩan. (Rm 12:11) Kawɛ-?

-Jɛn kɔan ɲan, -ka -bo -a ˈyea bhla kɔandɩ ɛ, -a ˈyeɛ tɔˈ ˈˈkpe inaan-. ˈˈƖnmɔɛn- klaaˈˈ -a ˈbhlea -mɛn -nɩn -a ˈbhleɛ “dhɩ ˈdhɔɛe -ˈyea -nʋɛn ɛnˈ -bɔyaˈˈ -bo -a ˈye bhla”. (Rm 10:15) Ɛɛˈ ˈsɔɔn -nɛn ɛn, dhɩ ˈdhɔɛe -bɔyaˈˈ bo ɔ muan ɲʋn -ʋa- poa -aʋ- -dheinˈˈ bho ˈˈdhrui -nʋn ɛn, -a -naan ɩn tɔˈ ˈˈkpe i. -Bo -aa bhla kman ʋbʋ ˈˈbhli. (Rm 10:13, 14) Ɛɛˈ dhebhɔɔ- nɛn ɛn, -bho -aa sa bo bhla aˈ, -aaˈ ˈˈjhibha aˈ -nɩnsʋn- -e -aaˈ sɩn iposʋn- -e -aaˈ ghwlusʋn ˈyeɛ -to -ka -aa ˈghwlʋa nɛnˈ in ɛn.

-ˈJHE VIDEO NƆN IN, ˈJHE ˈMƲNAN ˈDHE DHƐCƖAƲN- -NƲN DHBHO ˈDHI: PO -MANˈ -BOBHLASƲN ˈKPA: ˈGHWLƲ NƐNˈ IN ˈBHO ƝƲNDHƐTƆƆN- -NANˈ, -ˈMƐN -ZA ˈE IDEEDƖ- NƖN:

• 

  Dhɛɛdɩ- Matɩ ˈbhɔ nɛnˈ in ˈghwlʋ dɩ Sonia aˈ Biiblʋ -tɔɔn dɩ ɛ?

• 

  Dhɛwɛ- po Matɩ sʋn bho ˈˈdhe ʋn -dee nɛnˈ in ˈghwlʋa -kenɛnˈ -ɛn?

• 

  Dhɛɛdɩ- -a ˈye ɲʋn -ʋa- po -aʋ -dheinˈˈ bho aˈ kplɩn ˈjɛɩn ˈˈjhriɛ ˈˈkpe ˈnɛn -ɛn?

• -Bho -aa sa nɛnˈ in ˈghwlʋ ɛˈ, ˈjɛɛn -wɛ ɛ ˈbhɛɛ ɛ ˈye biiblʋcɩaʋn- -e ɲʋn -ˈnʋʋn ˈˈdhrui nʋn -ɛn?