-To ɲʋndɩkman- ˈdhe ˈˈgbuzɔnˈ

-Ka tɛn -ɛɛ poa ˈˈgbuzɔncɛ -da dhueˈ nɩan ˈkamɔn- ɲʋndɩkman- -nɩn. -Bho ɲʋn nɩan ˈo ˈˈgbuzɔnˈ se bha aˈ dɩkman- anˈ, ʋʋ se ˈbhɛɛ ʋʋ ˈye -da dhueˈ ˈkpa ˈdhe ʋʋ ˈye ghwlu i ˈŋwɔɔn-. Kawɛ- ˈɲnɔn -e -kʋan- -e ˈˈɲnuunbleʋn- ˈye ɲʋndɩkman- -an -to sʋn nʋn ˈbho ˈˈgbuzɔnˈ -ɔn?

-Kʋan- -ɔ -kman ɔɔˈ ˈɲnɔn ɔnˈ dɩ ɛ, ɔɔ ˈˈduɛ ʋanˈ ˈbɔɔndhɩ -e ʋanˈ dhɩjhesʋn -e ʋanˈ -gwlɩinaandhɩ- aˈ dɩ. (Éph 5:28, 29) Ɔɔˈ ˈˈduɛˈˈ ɔɔˈ ˈˈgbuzɔncɛ ɛˈ dɩ ˈˈdhe ɔɔ pʋbʋ sʋn bho -ke ˈdhe ɲɔnsoadhɛ dɩ. Ɔɔ poɛ nɔnˈˈ kpɔˈˈ ʋa yea ʋaˈ ˈˈgbuzɔncɛ ɛˈ Ɲɔnsoa ˈˈɲɩɛn- nʋn -da dhueˈ. (1Tm 5:8) -Jhelaɲnɔn -ʋn -kman ʋaˈ -kʋan- anˈ -dɩ ɛ, ʋan jha ʋanˈ ˈˈjɛ jha ˈˈdhe ʋan ˈjhe ʋanˈ -kʋan- “ŋwɔn -kajɔɔnka.” (Éph 5:22, 33; 1P 3:1-6) Ɲʋn -ʋʋ ˈˈtiia ˈbhli ˈye bha aˈ dhɛsaʋn- ˈˈkpe ˈghwlʋ dhueˈ dhueˈ. (Éph 4:32) ˈƝnuunbhleʋn- -ʋʋ ˈbhlea ɲʋndɩkman- an, ʋa ˈˈduɛˈˈ ʋaˈ ˈˈɲnuun anˈ dɩ dhueˈ dhueˈ ˈˈdhe ʋa tɔɔn ʋbʋ Zoova aˈ dɩkman-. (Dt 6:6, 7; Éph 6:4) ˈKledɩ- -wɛ ʋaˈ ˈˈɲnuun an ˈjhe ˈdhe -klainˈˈ -ɛn? -Bho ʋaˈ dhaiˈˈ -ˈˈwe a sʋbʋ nɛnˈ ˈˈkpe de ɛˈ, kawɛ- ʋa nʋn -ɛn? -Bho ɲʋndɩkman- -nɩn ˈo ˈˈgbuzɔnˈ ɔnˈ, ɲʋn anˈ klɛɛ muɛn ˈflɛ ˈmʋn ide-.

-ˈJHE VIDEO NƆN IN, AƲ -TO ƝƲNDƖKMAN- ANˈ GWƐA I ˈDHE ˈˈGBUZƆNˈ, -ˈMƐN -ZA ˈE IDEEDƖ- NƖN:

• 

  -Kʋan- ˈbhlea ɲʋndɩkman- an, ka ɔɔ nʋn ɔɔˈ ˈɲnɔn ɔnˈ dɩ ˈˈdu sʋn ˈˈdhe ka ɔɔ nʋn ʋanˈ ˈbhle sʋn -ɛn?

• 

  -Ka ˈɲnʋnkpaoˈ -ʋn ˈbhlea ɲʋndɩkman- an ˈjhea ʋanˈ -kʋan- ŋwɔn ˈdhe ʋanˈ -pɛɛ ɛˈ klɛɛ ˈmʋn ɛn, ka ʋa nʋn ɛnˈ -to sʋn -ɛn?

• 

  ˈƝnuunbhleʋn- -ˈbhlea ɲʋndɩkman- an, ka ʋa nʋn ʋaˈ ˈˈɲnuun Ɲɔnsoa aˈ ghwlu -tɔɔn sʋn -ɛn?