Po -manˈ ˈˈjɛ ˈbho ɲʋn anˈ gɔˈˈ

Ɲɔn -ɔn poa ɔɔˈ ˈˈjɛ ˈbho ɲʋn anˈ gɔˈˈ ɔ, ɔɔ ˈbɔn dɩ nɩan ˈo ʋbʋ -gwlɩˈˈ -e ʋaˈ dhɩjhesʋn -e dɩ kman ʋbʋ ˈˈbhli aˈ iˈŋwɔɛn- in. -Bho ɲʋn anˈ sʋnbhopoɛ- ɛˈ ˈtʋn nɩn ˈo -a -gwlɩˈˈ ɛˈ, ɛɛ muɛn -aʋ ˈˈtʋn- -a ˈye -aaˈ ˈˈjɛ ˈbho ʋbʋ aˈ gɔˈˈ po. ˈˈDhe -bho ɛɛ sa ˈe -aaˈ -pɛɛ bho ˈghwlʋ ɛˈ, ʋa muɛn ˈˈkpe i ˈjhe-. -Bho -aa sa -aaˈ ˈˈjɛ ˈbho ɲʋn anˈ gɔˈˈ po ˈdhe -bobhla aˈ, ɛ nɩn Zoova -aa sraan. Ɛɛ nʋɛnˈ ɲʋn -aa bhla bo ˈe bho ɛ, ʋa ˈbɔn ɔɔˈ jhibhɛ- i.—Php 2:4.

Po -manˈ ˈˈjɛ ˈbho ɲʋn anˈ gɔˈˈ ɔ, ɛ se ˈdhe ɲʋndhɛtɔɔɛn- ɛnˈ ˈsʋ ˈdhi -nɩn. Ɲɔn ɔn toɛˈ ˈbho ɲɔn anˈ -dheinˈˈ bho poaˈ, ˈdhe -aaˈ -ghwlusʋn -e dhɩnʋnsʋn- ˈdhi, ɛɛˈ ˈghwlʋʋ ˈbho -aaˈ ˈˈjhibhaˈ ˈˈkpe -ke. Ɛ nɩn dhɩ kman ɲɔn ˈˈbhli -e dhɩ ɔ dea -gwlɩˈˈ -e ɔɔˈ ˈkmʋn anˈ dɩ iˈŋwɔɛn-. Ɲɔn ɔn tɔɛˈ -ke ˈbho ɲɔn ɔnˈ ˈsrɩnˈdhɔɛe ˈˈɲɩanˈ, ˈklaa ɲɔn ɔnˈ deɔ nɛn ˈˈkpe ˈsrɩn -aa ˈˈduɔ ɩanˈ ˈˈjhriɛ ˈˈdu dɩ. -Bho -a po -aaˈ ˈˈjɛ bho ɲɔn ɔnˈ gɔˈˈ ˈˈdhe -aa seɛ ˈjhe -ka ɛ poɔ sʋn bho ɛˈ, ɛɛ poɛ -aaˈ ˈmʋnan ˈˈkpe ˈdhe -bobhladhbho ˈdhi.

-ˈJHE VIDEO NƆN IN -ˈJHE ˈMƲNAN ˈDHE DHƐCƖAƲN- -NƲN DHBHO ˈDHI: PO -MANˈ -BOBHLASƲN ˈKPA: PO -MANˈ ˈˈJƐ ˈBHO ƝƲN ANˈ GƆˈˈ, -ˈMƐN -ZA ˈE IDEEDƖ NƖAN DA ˈZƆN DA:

• 

  -Da Sonia sea ˈˈdoo- ʋn ˈsea ʋanˈ Biiblʋ ˈcɩan- ˈmʋn jhi ɛ, ka Matɩ nʋn ʋanˈ ˈˈjɛ ˈbho ʋanˈ gɔˈˈ -po sʋn -ɛn?

• 

  -Da Sonia ˈnaan ʋn sea dhɛcɩan- anˈ ˈkpɩ ˈbhle ɛ, -kawɛ Matɩ nʋn ʋanˈ ˈˈjɛ ˈbho ʋanˈ gɔˈˈ -po sʋn -ɛn?

• 

  -Da Sonia ˈnaan ʋn se dhɛ ooˈˈ dhɛ ˈbho ɛɛˈ -dein -po ka jhibho- ɛ, dhɛwɛ- Matɩ nʋn -ɛn?