-Nʋʋn dhɩ -ɩan poa -aʋ sʋn bho ˈbho dhɛ ˈcɩaan dhbhoˈˈ

Zoova ˈˈɲɩɛn -aʋ videe, ˈsɛɩflɩ-, ˈcʋdhisɛɩ, ˈmʋnfeesɛɩ-, livrʋ -e Biiblʋ -wɛeˈ ɩn ˈye -aʋ sʋn bho po -a ˈye ɲʋndhɛtɔɔn- -kajɔɔnka. (2Tm 3:16) Ɔ ˈˈɲɩn -aʋ dhɩ -dhee -ˈnɩɩn -aa jhii -ke -wɛeˈ -aa ˈbɔn Biiblʋ aˈ ˈˈjhri i ˈŋwɔan in. Ɩmɩn -nɩn Watchtower Library -e JW Library^® -e ˈSɛɩgbu- nɩan ˈo ɛntɛɛnɛtɩ ˈˈkpe -e Guide de Recherche des Témoins de Jéhovah -e.

-Bho -man sa dhɩ -ˈnɩn i jhii -wɛeˈ -man sa Ɲɔnsoa aˈ ghwlu aˈ i ˈŋwɔɛn i ˈbɔn ɔn, -man mun ˈo ˈmʋnan -duuˈˈ ˈˈjhee-. Po ɲʋn -nɩn -man ˈcɩan dhɩ sʋn bho ʋʋ ˈye ɩanˈ dhbho -nʋʋn -ka jhibho-. Ɛɛ muɛn -nʋn dɩ ʋa deea ʋa ˈˈjɛ i ˈdhe Biiblʋ aˈ dɩ ˈdhi ɛ, ʋʋ ˈye ɩanˈ ˈdhe -zaaˈ ˈjhe.

-ˈJHE VIDEO NƆN IN, -ˈJHE MƲNAN ˈDHE DHƐCƖAƲN- -NƲN DHBHO ˈDHI: ˈˈTAI ZOOVA I Ɔ ˈYE ƲN SƲN BHO PO: DHƖ -ƖAN POA -AƲ SƲN BHO ˈBHO DHƐ ˈCƖAAN, -ˈMƐN -ZA ˈE IDEEDƖ NƖAN DA ˈZƆN DA:

• 

  Dhɛwɛ- Sonia ˈtmʋn ˈdhe dhɩ -ɩn jhia -aʋ ˈdhe i aˈ dɩ ˈdhi -ɛ?

• 

  Dawɛ- Matɩ za dɩ -ˈnɩn anˈ ˈdhe -zaa -a?

• 

  Dhɩ -ɩn ˈbhɛɛa -ɩn ˈyea Sonia sʋn bho poɛ, ka Matɩ nʋn ɩanˈ i ˈbɔn sʋn -ɛn?

• Dhɛ Matɩ ˈbɔan dhɩ nɩn anˈ ˈdhe -zaa i ˈˈdhe ʋn ˈjhɩ ɛ, dhɛwɛ- ɛ nʋn ˈˈdhrui -ɛ?