ˈSrɩn ɲʋn ˈyea ˈˈjhriɛ ˈˈdu ˈˈdhe -bobhlaa aˈ ˈˈdhruigbooɛ ˈyea -nʋʋɛn -kajɔɔnka

-Bobhlaa aˈ ˈˈdhruigbooɛ ɛ, -ka ˈˈdhruigbooɛ ɛ klɛɛ nɩan, ɛ nɩn dhɛ Zoova a jhii i -wɛeˈ ɔɔ po -aʋ ˈkpɩ -aa yea bha aˈ dɩkman dhueˈ dhueˈ ˈˈdhe -aa yea dhbho ˈdhɔɛe nʋn. (Hé 10:24, 25) Ɛ ˈye minitɩ -mmˈˈ -aeˈˈ ˈˈmɛsɔnˈ nʋn. ˈDhe nɔnˈˈ nɩan dhueˈ ˈdhi -mɔn ɔ ˈye ɲʋn gble, ɔ ˈye -da ɲʋn ˈyea bobhlaa- ɲʋn -tɔɔn ˈˈdhe ɲɔn ˈye bhae- -ke. (-Bho ɛ ˈye -nʋʋɛn ˈbho ɲɔnsoagbu aˈ ˈˈdhruigbooɛ ˈdhe ɛˈ, -ˈmɛn ɛnˈ gwle ˈo -dhe) Dhɩ -ˈbhɛɛa -ɩn ˈyea ɲʋn sʋn bho po ˈdhe ɛɛˈ -zɔn tu ˈdhi ˈdhe -bobhlaa, ɩmɩn- ˈˈdhruigbooɛ ɛˈ jiebhopoi- ˈye ˈtmʋn. Ɛɛˈ kpɔ dhueˈ ka, -bho ɲʋn anˈ -da -duuˈˈ jhia ˈˈdhruigbooɛ ˈmʋn se -bobhlaa aˈ ˈˈdhruigbooɛ- ˈmʋn jhi Samedi zia aˈ, -ˈmɛn -naan tɔˈ i ˈˈdhe dhɛ -ˈyea ˈtmʋn ˈbho ɔɔˈ -zɔn tu ˈˈkpe ɛ, ɛ ˈyʋbʋ sʋn bho po. Dɩwɛ- -ˈbhɛɛ -ˈye ˈtmʋn -ɩn -ˈye ɲʋn sʋn bho po -ɛ?

• Dhɛtosʋn nɩan ˈe Kletiɛn ɛnˈ ˈkmʋn -e ɔɔˈ -bobhladhbho-: ˈˈDhruigbooɛ ɛˈ ˈsɛɛ ˈdhi -ˈye i -jhii.

• Dhɩ -nʋʋan ˈdhe -aaˈ kpɔ ˈdhi -e dhɩ -maneansɛɩ a ˈtmʋan, ka -a ˈyɩ i -jhii ˈˈdhe -a ˈyea bo bhla.

• Dhɩ ɲʋn an ˈtmʋan -wɛeˈ ʋʋ sea -aʋ -dheinˈˈ bho -po i ɛ, ka -a ˈye ɩanˈ ˈˈdhru jha sʋn nʋn.

• Ɲɔn sea Ɲɔnsoa -gwlɩˈˈ de , ɲɔn -ˈnaan dhɩ bhlua ˈˈjha, ɲɔn -ɔn poa ghwlu ˈsrʋ -aeˈˈ ɲɔn nɩan ˈe gelagbu- ɲɔn sea jhibho- ˈnɔn -a ˈˈbhli ˈdhi ɛ, -ka -a ˈyea ɔɔˈ ideedɩ aˈ ˈdhe -za sʋn nʋn ɛn.

• -Ka -a ˈyea -aaˈ ɛntɛɛnɛtɩ ɛˈ -dein jw.org, JW Library^® -aeˈˈ Biiblʋ dhbhoˈˈ -nʋʋn sʋn nʋn.

• Ka -a ˈyea -aaˈ ˈsɛɩ aˈ dhueˈ -to sʋn nʋn ɛn.

• -Ka -a -ˈyea -bobhla sʋn anˈ kpɛ -ˈnɩɩn nɩan, telefɔnɩn -e lɛtrɩ -e plazantoa i -jhii ˈˈdhe -a ˈyea bo bhla ɛmɛn- -e ˈbho ɲʋn bho dhemuɛn- -aeˈˈ Biiblʋ ˈcɩan anˈ jie bho -po sʋn nʋn ɛn, ˈtmʋn ɛnˈ dɩ.

• -Ka ɲʋn ˈyea -gwlɩi ˈsrooˈ- sʋn nʋn -e ɲʋn anˈ ka jhibho- -e kplɩn ˈdhɔɛe -to -e ɲʋn anˈ dɩ ˈjɛɩn -gwlɩi ˈbhle -aeˈˈ dhɛ -dhee -ˈnɛɛn nmɔan ˈˈjhrii nʋn ɛn, pʋbʋ ɩanˈ dɩ -glʋˈ bho.

• -ˈBhɛɛ -ˈye dɩ -aeˈˈ video ˈdhe ˈsɛɛ nɩan Kpʋn ˈe dhɛdhiizroɛ -e ɲʋndhɛtɔɔɛn ˈˈjhri ˈdhi -za.

• -Ka -a ˈbhɛɛa -a ˈyea ɲɔn -nɩn -aa bhla bo ˈkpɩ po ˈˈdhe -a ˈyeɔ sʋn bho po ˈdhe -bobhlaaˈ.

• -ˈBhɛɛ -ˈye Biiblʋ aˈ ˈˈjhriɛ- -aeˈˈ -bo -ɔ nɩan ɲʋn ˈkpɩ -po -ka ˈdhe -bobhladhbho ɔˈ dɩ ˈdhi aˈ dɩ ˈtmʋn.