-A -za Samiɛɛ ɛˈ bo ˈsrɩn ˈdhi

Samiɛɛ kpʋɛn ˈo Zoova ˈˈbun in ˈdhe ɔɔˈ ˈkmʋn anˈ klɛɛ ˈdhi. -Da ɔ nɩan ˈˈjhuzaan, ɔ ˈse Eli ɔˈ ˈˈɲnuun- Ɔfʋni -e Fineasɩ aˈ kplɩn saɩn- ˈˈkpe ˈsa. (1S 2:22-26) -Ka Samiɛɛ ɛ ˈbhɔɔa, ˈkamɔn- Zoova -nɩn ɔn -nan. (1S 3:19) -Da ɔ ˈkpa gelaˈˈ a, ɔ ˈkpa ˈbho Zoova ˈˈbun in -kpʋɛn- ɲan, -bho ɔɔˈ ˈˈɲnuun anˈ nʋɛn mɔn -dhe ɛˈ.—1S 8:1-5.

ˈSrɩn -wɛ -a ˈbhɛɛˈ -a ˈye ˈe Samiɛɛ ɛˈ bo ˈdhi -za -a? -Bho -nɩn ɲɔnjhao- ɛˈ, -ˈbhɔ ˈˈmaeɛ- -ka Zoova jhibha -manˈ ˈkledɩ- -e dhɩ aˈ klɛɛ nɩan ˈbhoo- -gwlɩˈˈ ˈmɛn. Ɔ ˈbhɛɛˈ ɔ ˈye ʋn sʋn bho po -ˈye -pɛɛ i -kuu. (Is 41:10, 13) -Bho -ˈbhle ˈˈɲnuun- -ʋaˈ ˈˈɲɩn Zoova aˈ, Samiɛɛ ɛˈ bo ɔ toɛˈ -ka ˈsʋbʋ nɛn ˈˈkpe -dei Zoova aˈ ˈsrɩn anˈ ˈˈjhriɛ ˈˈdu dɩ. Samiɛɛ deɛ ɔɔˈ ˈkledɩ ˈdhe Zoova ˈkwa ˈˈdhe ɔ kpa ˈbho ɔɔˈ ˈˈBho nɩan ˈe jhaʋn ˈdhi ɔˈ ˈˈbun in -kpʋɛn- ɲan. Ɲɔn se bho jhibho-, ɛgwɛ ˈgɔ ˈjɔɔn -man toa ˈo ˈbhɛɛˈ ɔ ˈye -manˈ ˈˈjhu sʋn bho po ɔ ˈye Zoova ˈˈɲɩn.

-ˈJHE VIDEO NƆN IN DHƐ ƲAˈ BO Ɔ TƆƆN -ABƲ -Ɛ?: SAMIƐƐ, -ˈMƐN -ZA ˈE IDEEDƖ NƖAN DA ˈZƆN DA:

• 

  -Da Samiɛɛ nɩan ˈˈjhuzaan, ka ɔ nʋn -pɛɛɩkuɛ- -to sʋn -ɛn?

• 

  Ka Danɩn nʋn -pɛɛɩkuɛ- -to sʋn -ke -ɛ?

• 

  -Da Samiɛɛ ˈkpa gelaˈˈ a, ka ɔ nʋn ˈgɔ ˈdhɔɛe -to sʋn -ɛn?

• 

  ˈˈDhe ka Danɩn ɔnˈ ˈcɛ nʋn ˈgɔ ˈdhɔɛe -to sʋn -ɛn?