Ɲʋnwɛ- -nɩn -manˈ -jhbhɛɛʋn ˈbho ɛntɛɛnɛtɩ ˈˈkpe -ɛ?

-Jhbhɛɛi ˈjɔɔn -nɩɛn- “ɲɔn -ɔɔ kpʋn ˈo ɲʋn ˈˈbun in ˈdhe ɲʋndɩkman- -e dhɛŋwɔnjheɛ- ˈmʋn”. Ɛɛˈ kpɔ dhueˈ ka, Davidɩ gwɛa Goliatɩ ˈdhbha a, ɔ -nɩn Zonatan ˈkpa -jhbhɛʋn ɲʋn sea ˈbhɛɛ- ɲʋn ˈyea i zela-. (1S 18:1) Ka ʋʋ nɩan ˈsɔɔn ɔn, ʋʋ ˈbhleɛ kplɩn -ɩan- nʋɛn ˈˈdhe ʋa ˈbɔn ʋʋ ˈye jhbhɛɛʋn -nɩn. -Ka ɛ ˈjhe ɛ -nɩn ɛnˈ, ˈˈdhaidhɛ- kua i tbha ˈo dhɩ ɲʋn jhibha ˈdhe ɲɔn ɔnˈ dɩ ˈdhi ˈˈkpe i. -Bho ɲʋn ˈye bha jhibho- ɛˈ, ɛɛ deeɛ nɔnˈˈ -e ˈkpɩ i. ˈBho ɛntɛɛnɛtɩ ˈˈkpe ɛ, -bho ɲʋn ˈɲɛn ˈo dhɛ ˈˈkpe i ˈsʋ ʋa ˈkpa “-jhbhɛɛʋn”. Ɲʋn nɩan ˈo ɛntɛɛnɛtɩ ˈˈkpe ˈbhɛɛˈ ʋʋ ˈye dhɛ ˈtmʋn ˈˈdhe ɲʋn ˈyʋbʋ ˈˈjhriɛ ˈjɛɛn ˈmʋn ˈjhee-. Ʋʋ ˈbhɛɛˈ -ke ʋʋ ˈye ɲʋn ʋʋ nɩan gblein i ˈˈdu. Ɛɛˈ dɩ -bho -ˈye ˈo ‘-jhbhɛɛʋn’ -za ˈbho ɛntɛɛnɛtɩ ˈˈkpe ɛˈ, -ˈye -ˈgwlɩi ˈsroo-. Ɲɔn sea jhibho- ɛ, -bho ˈse ˈbɔn -ˈye ɔɔˈ ˈˈdhaidhɛ ˈŋwɔɔn- ɔnˈ, ɔɔˈ ɲan -vuɛn ɛnˈ -faʋn anˈ nʋn ʋn -dhe. Dɩ ɲʋn ˈbhɛɛa ɲʋn ˈyea ˈjhe ˈbho ɛntɛɛnɛtɩ ˈˈkpe aˈ dɩ -ˈnʋʋn ˈse ˈbɔn ʋʋ ˈye -jhbhɛɛʋn ˈbhle ˈbho ɛntɛɛnɛtɩ ˈˈkpe. ˈKlaa, -bho -man sa ˈbɔn -ˈye -jhbhɛɛʋn ˈbhle ˈbho ɛntɛɛnɛtɩ ˈˈkpe ɛˈ, dɩwɛ- -ˈye ˈˈdhru ˈdhii ˈbhlee- -ɛ?

-ˈJHE VIDEO NƆN IN ˈˈDHAIDHƐ- ˈBHO ƐNTƐƐNƐTƖ ˈˈKPE: -ˈSROO- -MANˈ ˈˈJƐ -ˈG WLƖI, -ˈMƐN -ZA ˈE IDEEDƖ NƖAN DA ˈZƆN DA:

• 

  -Bho -ˈye dhɛ ˈcre -aeˈˈ -ˈye foto ˈbho ɛntɛɛnɛtɩ ˈˈkpe po ɛˈ, dhɛwɛ- -ˈye tɔˈ ˈˈkpe i -naan ke -tɛnˈˈ -ɛn?

• 

  Dhɛɛdɩ- -ˈye -manˈ jhbhɛɛʋn i ˈcra -kajɔɔnka ˈbho ɛntɛɛnɛtɩ ˈˈkpe -ɛ?

• 

  Nɔnˈˈ -man nʋan ˈbho ɛntɛɛnɛtɩ ˈˈkpe ɛ, dhɛɛdɩ- -ˈye ɔɔˈ ka jhibho- -ɛ?​—Éph 5:15, 16