-ˈJhe tɔˈdhinɩɛn ˈbho JW.ORG ˈˈkpe

Ɲɔnsoa aˈ Ghwlu a tɔɔɛn -aʋ dhɛ -wɛeˈ ˈkledɩ- -aa ˈjhea ˈˈjhibhaˈ ˈnɔn -dhebhɔɔ- -ghwɩ nɩn ˈdhi ɛ, -a ˈye ˈkpɩ i -kpʋanˈ ˈbhɛɛ- ˈdhe ɩn ˈdhi. (2Tm 3:1, 16, 17) ˈKlaa -zɔn -ˈnɔɔn ɔn, ɛ -kɔn dɩ ɲʋn ˈye -aʋ sʋn bho po -wɛeˈ Biiblʋ aˈ ˈsrɩn -ɩn ˈbhɛɛa -ɩn ˈyea -aʋ sʋn bho po ˈdhe -aaˈ ˈkledɩ ˈdhi ɛ, -a ˈyɩ ˈjhe. Ɛɛˈ kpɔ dhueˈ ka. -Nɩɛn- ˈˈɲnuunbhlei- -ɔɔ ˈbɔn ˈsrɩn in -ɔ ˈye ɔɔˈ ˈˈɲnuun ˈbhɔɔa-? -Nɩɛn- ɲɔnjhao- ˈˈdhe -man ˈjheɛ ˈkledɩ- -ɩan- ˈdɩn -manˈ dhɛgwlɩdeɛ i? -Manˈ ˈˈbhlitii- -ˈmɛn ˈˈdhe pa ˈkwɛ ɔɔˈ dɩ? Biiblʋ aˈ ˈsrɩn -ɩn ˈyea aʋ sʋn bho po ˈdhe aʋaˈ ˈkledɩ ˈdhi ɛ, aʋa muin ˈjhe- ˈbho jw.org ˈˈkpe.​—Pr 2:3-6.

-Bho aʋ kain- jw.org ˈˈŋwɛn ɛnˈ, aʋ ˈɲɛn LA BIBLE ET VOUS i. (Foto 1.) ˈDhe dhɩ -a muan ˈzɔn ˈˈsi ˈˈklu ɛ, -jɛn aʋa ˈbɔan gblein ɛn, aʋ ˈɲɛn in. -Aeˈˈ aʋ ˈɲɛn BIBLIOTHÈQUE i aʋ mun ˈbho RUBRIQUES ˈˈkpe -ˈmɛn -jɛn aʋa ˈbɔan in gblein ɛn, aʋ zɛ ˈo. (Foto 2.) ˈDhɩ nɩan dhueˈ ɛ, aʋ ˈbhɛɛˈ aʋ ˈyɩ ˈjhe ˈdhe JW Library^® ɛˈ ˈfɔ bho.a Ɛgwɛ -ka dhɩ nʋan ˈdhe dee- sʋn ˈdhe dhɩ aˈ kpɛ ˈsɔɔn -ˈnɩn ˈdhi a muɛn aʋ ˈtʋn -nʋn. Dhɛ -ˈnɛɛn aʋ ˈbhɛɛa aʋ ˈyea nʋn kenɛn-ˈ ɛn, ɛmɛn- -nɩn dhɛ aʋa ˈbɔan in gblein ɛn, -aʋ ˈbhɛɛˈ aʋ ˈyeɛ i ˈbɔn -da ɲʋn an ˈcrea dhɛ ɲʋn an ˈbɔan in ˈdhe jw.org ˈˈkpe.

Dhɩ nɩan da ˈzɔn da, aʋ ˈcrɩ -da ɲʋn an ˈcrea dhɛ ɲʋn an ˈbɔan in -ˈmɛn ˈsɛɩ- -ɩn ˈˈsia ˈzɔn aʋa ˈbɔan aʋ ˈyea ˈdhii zro ɛ, aʋ zruɩ ˈdhii.

• ˈˈƝnuun ˈbhɔɔa-

• Ɲʋnjhae aˈ ˈˈzruaˈˈ

• ˈˈBhlitii- ɔˈ ˈmɛan