KLETIƐN ƐNˈ ˈKMƲN
-A -sraan Zoova aˈ ɲʋndɩkman- kpʋan ˈo ɲʋn ˈˈbun in
Zoova aˈ ˈsʋ -to ˈo ɲʋndɩkman- -an kpʋan ˈo ɲʋn ˈˈbun in ɛnˈ klaaˈˈ -nɛn. (Ps 103:11) Ɲʋndɩkman- -an kpʋan ˈo ɲʋn ˈˈbun in ɛn, ɛ se dhɛ ɲɔn ɔn to ˈdhe nɔnˈˈ -dhɛ ˈˈzaan ˈdhi ˈˈdhe ɔɔ ˈbhɔ bho -nɩn. Ɛɛˈ ɲʋndɩkman- -an tu ɛ, ɛ ziɛ ˈo dhi ˈˈdhe ɛɛ gwle ˈo ˈmɛn. Zoova -to ɛɛˈ kplɩn tu ˈmɛn ˈdhe ɔɔˈ ˈcɛ Israɛkɔʋn bho -kpɛ ˈjɛɩn- -duuˈˈ. Ɔ zʋbʋ -kʋɔnkwlaˈ ˈdhe Ezipʋ -bhlʋaˈ ˈˈdhe ɔ kpʋbʋ ˈdhe ˈbhlʋa ɔ -cɛan- ʋbʋ ˈdhi. (Ps 105:42-44) Ɔ vɔɛn ˈcɛ -ˈnʋʋn bho ʋaˈ dɩ ˈˈdhe ɔɔ ˈghwlʋɛ ʋaˈ dhɩsaɩn ˈˈkpe jheejhee. (Ps 107:19, 20) “Dhɩ Zoova nʋan -ɩan- toa ɔɔˈ ɲʋndɩkman- -an kpʋan ˈo ɲʋn ˈˈbun in ɛn”, -bho -aa sa nɔnˈˈ ˈmʋn ˈˈdhuo -aa sɩ tɔˈ ˈˈkpei naan anˈ, ɩan ˈˈtun -aʋ ˈmɛn -aa yea ɔɔˈ -sraan in ˈbɔn.—Ps 107:43.
-ˈJHE VIDEO NƆN IN “-KA ZOOVA A NƲAN ƝƲNDƖKMAN- -AN KPƲAN ˈO ƝƲN ˈˈBUN IN -TO SƲN ƐN, -A -NƐƐN -TƆˈ ˈˈKPEI -KAJƆƆNKA,” -ˈMƐN -ZA ˈE IDEEDƖ- NƖAN DA ˈZƆN DA:
Ka -a ˈye ɛɛˈ -to sʋn nʋn -ka -a ˈbhlea ɲʋndɩkman- -an kpʋan ˈo ɲʋn ˈˈbun in -ɛn?
Dhɛɛdɩ- ɲʋndɩkman- -an kpʋan ˈo ɲʋn ˈˈbun in ɛn dee ˈkpɩi -ɛ?