KLETIƐN ƐNˈ ˈKMƲN
ˈˈƝnuunbhleʋn-: Aʋ -tɔɔn aʋaˈ ˈˈɲnuun -ka ʋʋ ˈyea Zoova ˈmʋnan in -po sʋn nʋn
ˈˈƝnumɩɩnˈˈ ˈdha dhɛ ˈdhe Zoova ˈˈjhri ˈdhe. -Ka ʋaˈ ɲɔnsoadhɛ ɛ kuai ˈˈdhe ʋa kpʋan ˈkpɩi ɛ, ɔɔ deɛ ˈˈjhriɛ ˈˈkpe ˈmɛn. (1S 2:26; Lc 2:52) Ʋaˈ -jɛn -nɩn ˈˈɲnumɩɩnˈˈ -mɔnˈ -dhe ɛˈ, ʋʋ ˈbhɛɛˈ ʋʋ ˈye Zoova ˈmʋnan in po dhɛ ʋa toa kplɩn ˈdhɔɛeˈ ɛˈ dɩ. (Pr 27:11) Zoova -jhiiɛ ɔɔˈ -Glibha i ɔ ye ɲʋndhɛtɔɔdhɩ- ˈdhɔɛeˈ kpɔˈˈ po -wɛeˈ ɩn ˈye ˈˈɲnuunbhleʋn sʋn bho po ʋʋ ˈye ʋaˈ ˈˈɲnuun Zoova aˈ dɩkman- -e ɔɔˈ ŋwɔnjheɛ- -tɔɔn.
-ˈJHE VIDEO NƆN IN, “ƝNƲNKPAE MƖƖN E ƝMAI MƖƖN: AƲA KPƖIKPƲƐN ƐN POƐ ZOOVA MƲNAN DHI!” -ˈMƐN -ZA ˈE IDEEDƖ- NƖAN DA ˈZƆN DA:
-Ka zɩn an zia, dhɩwɛ- Zoova po kpɔˈˈ ˈdhe ˈˈɲnumɩɩnˈˈ anˈ sʋnbhopoɛ- -e jiebhopoɛ- ɛˈ dɩ ˈdhi -ɛ?
Dhɩwɛ- -pooɛ kpɔˈˈ zɩanˈ -ɩan- po ˈˈɲnuunbhleʋn sʋn bho -ɛ?
-Bho -nɩn ˈˈjhuzaan anˈ, dhɛwɛ- Zoova po kpɔˈˈ ˈjhee- ˈjɛɛn ˈdhi -ɛ, ˈˈdhe dhɛɛdɩ- -ɛ?