PO MAN BOBHLADHBHO KPE ​ Po e ideedɩ kajɔɔnka

DHƐƐDƖ ƐƐ DƖ KMAN: Bho ‘ɲɔn ɔn pɛɛ gwɛ kaobhie’ ɛ, mɛn ideedɩ nɩɛn ninjridhbhu ʋan sii ɔɔ tɔinaandhɩ zɔn. (Ii 20:5) Ideedɩ a po aʋ sʋn bho a nɩn ɲɔn ɔn poa aʋ dhein bho ɔ yea po e za e nʋn. Bho a po e ideedɩ kajɔɔnka a, ɛɛ muɛn nʋn ɲɔn aa ghlua e bho ye aa ghlu a kpa za kajɔɔnka ke. Zezi ɔ deeɛ dɩ i kajɔɔnka. Ka a ye ɔɔ sraan sʋn nʋn ɛn?

KA YEA ƐƐ NƲN SƲN NƲN KA KA:

• Po e ideedɩ ɩn yea dhɛ nɩan bho ɔ gwlɩ to. Zezi deeɛ ɔɔ dhɛcɩaʋn dhɩ duu i wɛe ɔ ye dhɩ nɩan o ʋbʋ gwlɩ jhibho. (Mt 16:13-16; be-F 238 § 3-5) Ideedɩ wɛ ye e po wɛe ye dhɛ nɩan o ɲɔn gwlɩ jhibho ɛ?

• Ideedɩ ɩan srɛa ɲɔn ɔn dhɩjhesʋn ɩn ɛn. Zezi yea Piɛɛ ɛ tɔinaansʋn ɩsrɛɛ, ɔ poɛ e ideedɩ poa Piɛɛ sʋn bho wɛe ɔ ŋwɔan tɔdɩ mʋn in. (Mt 17:24-26) Ideedɩ wɛ bhɛɛ ye e po dhe ye ɲɔn nɩn man cɩandhɩ sʋn bho po ɔ ye tɔdɩ ŋwɔn ɔn?

• Po ɲɔn nɩn man cɩandhɛ kpɩ. Da sɛɩkwaicrei za e ɔ ideedɩ kajɔɔnka a, Zezi poɔ kpɩ. (Mk 12:34) Ɲɔn za e man ideedɩ kajɔɔnka a, ka yeɔ kpɩ po sʋn nʋn ɛn?

PO O VIDEO ACCOMPLISSONS LA MÊME ŒUVRE QUE JÉSUS: EN ENSEIGNANT ƆƆ FƆ KƆAN ƝAN, BHO Ɛ DHE Ɛ PO E IDEEDƖ NƖAN DA ZƆN DA:

• Dhɩ a klɛɛ aa dhoudhi tmʋan ɩn nɩɛn tɔdɩ, klaa dhɛɛdɩ ɔɔ ɲʋndhɛtɔɔnsʋn se jhriinmɔn ɔn?

• Bho aa sa bɔn dhɛ aa tmʋan dhe ɲɔn bho ɔ yeɛ iŋwɔn kajɔɔnka a, dhɛwɛ a ye nʋn ɛn?

PO O VIDEO NƆN ƆN FƆ Ɔ SƆƆN NƆN, BHO Ɛ DHE Ɛ PO E IDEEDƖ NƖAN DA ZƆN DA:

• Ka dhoudhi nɔn nʋn e ideedɩ dhe po sʋn ɛn?

• Ka a yeɔ sraan sʋn nʋn ɛn?