ˈDhoudhi -ˈˈwe aˈ mliɔn

1. Aa klɛɛ kpɛ man dhoudhi glibha,

A nɩɛn ɲʋn an mliɔn

Aa yea bo bhla dhe ɲʋn bho,

Dhe Ɲɔnsoaˈa dɩkman mʋn.

A nɩɛn ɲʋn an mliɔn duu,

A ghwlʋɛ bhlʋɩ a klɛɛ dhii,

Aa po ghwlu dhue klaa a man ɲɔn dhue

Aa yea Ɲɔnsoa bho bhlee.

2. A nɩɛn mliɔn aa yea bo bhla.

Aa bɔn ɲʋn ye ghwlu ŋwɔn.

Ɛɛ dɩ aa bhla bɔya bo

Dhe ɲʋn an mliɔn bho.

Bhaa sa kle jhe mɔn dhe ɛ,

Aa kpa bobhladhbho ɲan.

Zezi ɔɔ nʋɛn dhe aa klɛɛ bhle kpɩ

Dhe a de flɛ mʋn in.

3. Ɲɔnsoaˈa ɲʋn an mliɔn duu,

Aa deɛ Ɲɔnsoaˈa Ɲnɩn jha,

Ɔmɔn aa ɲɩn zɔn e glu.

Ɔɔ fuɛ abʋ dhe i.

A nɩɛn bobhlaʋn an mliɔn

Aa yea bɔya bo bhla.

Dhe dhbho nɔn dhi Ɲɔnsoa nɩn a nan,

Ɛɛ dɩ aa kpa dhbho ɲan.