ˈDHƲ Aˈ 65 -NƲN
-A mun ɲan ˈdhe ɲɔnsoadhɛ ˈdhi!
(Hébreux 6:1)
1. A mun ɲan, a mun ɲan dhe ɲɔnsoadhɛ dhi!
A mun a ye bo bhla dhe ɲʋn ye Ɲɔnsoa jhibho.
Bho aa sa dhe bo bhla jhri kpʋn nɔn oo nɔn,
Aa muɛn Ɲɔnsoaˈa niman jhe.
Ɲʋn an klɛɛ bhɛɛ ʋʋ ye dhbho nɔn nʋn.
Ɛ nɩn dhbho Ɲɔnsoaˈa Jhu Zezi nʋan.
Bhae Ɲɔnsoa dhe ye kpɩ bhle nɔn oo nɔn
Dhe ye tɔdɩ a gba bhle.
2. A mun ɲan, a mun ɲan dhe bobhladhbho dhi!
A bhla bo dhe ɲʋn bho dhe ʋʋ ye bɔya bo ŋwɔn.
Aa Ɲɔnsoa kman aa dɩ ɔɔ bo a ye bhla
Dhe ɲʋn ye ɔɔ Ɲnɩn jhibho.
Bho ɲʋn nʋʋn an sabʋ faʋn po,
A bhle kpɩ, a kpa bobhladhbho ɲan.
A tmʋʋn ɲʋn ka Ɲɔnsoaˈa Bheɔglɔ yea ɲʋn bhle.
A kpa tɔdɩˈa bo bhlaa ɲan.
3. Po e kpɩ ye ɲan mun, ye nman dhe dhbho dhi.
Kpʋn e bobhladhbho jhri,
klaa ɔɔ gwɛ nɔn se bho tɛɛn.
Bho Ɲɔnsoaˈa zuu a sa man dhbho jie bho po,
Man muɛn mʋnan jɔɔn trɔn dhi.
Ɲʋn ʋa jha ʋa jɛ jha man bɔan in,
Du ʋa dɩ ʋʋ ye dhɛgwlɩdeɛ bhle.
Kman ʋa dɩ, nʋɛn ʋa ɲɔnsoadhɛ ye ɲan mun
Dhe tɔdɩˈa nɛn ye i gbaa.
(Zro Phil. 1:27; 3:16; Héb. 10:39 -ke.)