¿Ñokänti Ngöbö raba nüke gare mäi?

“Tärä nebätä ti kukweita tikani ye tädre käre mä kadate, aune dibire rare mä rabadre ñäke tiebe tiebebätä, ne kwe kukweta tikanibätä ye erere mäkwe nuaindre; ye köböire mäkwe dre dre nuaindi ye rabai bare kwin mäi aune mäkwe ja ngwain töbätä.”

(Josué 1:8)

“Aune namanintre ñäke jankunu ja dibiti täräbätä, Ngöbö kukwei metre yebätä, namanintre mike gare metre aune dre gärä nämene ye namanintre mike gare.”

(Nehemías 8:8)

“Nitre käme kätä kukwe niere ye erere nire ñaka ja ngwen [...], ni yebätä kä juto. Ñakare aune, kukwe Jehovakwe ye käi jutobätä aune rare dibire tä ñäke tiebe tiebe kukwe yebätä [...], aune jondron jökrä nuaindi kwe ye rabai bare kwin ie.”

(Salmo 1:1-3)

“Felipe nikani [etíope] ken angwane, Isaías Ngöbö kukwei niekä kukwe niebare yebätä nämene ñäke kukwe juruabare ie, aune niebare kwe: ‘¿Kukwebätä mätä ñäke ye nüke gare erametre mäi?’. Niarakwe niebare: ‘¿Erametre, ti jie ngwanka ñaka se ñokänti rükadre gare tie?’.”

(Hechos 8:30, 31)

“Ñobätä ñan aune niara töi keta kabre ñaka tuin ye abokän tuin metre jondron sribebare kena kwe ye ngwane ja känenkäre, ñobätä ñan aune jondron sribebare kwe yebätä tuin nie, niara die kri kärekäre aune Ngöbö ni sribekä ye tuin arato.”

(Romanos 1:20)

“Mäkwe töbikatari kukwe nebätä; mäkwe ja di ngwan krubäte kukwe ye nuainkäre, ne kwe mätä nirien jankunu ye jutuadre metre nitre jökrä ie.”

(1 Timoteo 4:15)

“Nikwe töbikadre kwin ja kräke kwärikwäri ja töi mikakäre ja tarere aune jondron kwin nuainkäre, ñaka gätä tuanemetre.”

(Hebreos 10:24, 25)

“Mun ruäre töi ñaka ngitiekä angwane, munkwe ja töi mikamana ngitiekä jankunu Ngöböi, ñobätä ñan aune niara tä jondron bien töi mantiamebiti ni jökrä ie.”

(Santiago 1:5)