KUKWE NGWANTARITA 6
¿Biblia dre mikani gare Mesías yebätä?
KUKWE NIEBARE
“Aune mä, Belén Efrata [...], mä ye känti ni iti diainkä tikwe gobrankäre Israel.”
(Miqueas 5:2)
NAMANI BARE
“Herodes rei Judea ye näire Jesús därebare Belén, ye bitikäre [...], nitre ja tötikaka mukebätä nünanka kädrikri nükani Jerusalén.”
KUKWE NIEBARE
“Dän tikwe ye döräini kwetre jabiti, aune dän tikwe yebätä ja gari kwetre.”
(Salmo 22:18)
NAMANI BARE
“Nitre rükä käkwe Jesús metani kribätä kwin ye ngwane, dän kita nämene ja kötäbiti ta kwe ye diani kwetre aune ötaninte ötabokä ta kwetre [...]. Akwa dän kita nämene kwe jabätä, ye abokän nämene dikani ngöi nememe tibien. Ye medenbätä niebare kwetre jai kwärikwäri: ‘Nikwe ñaka ötaite, ñakare aune ani ja gainbätä aune nirekwe ganain yekwe diain jai’.”
KUKWE NIEBARE
“[Ngöbö] tä ni ye krä jökrä ngübarebiti; ñaka ötaninbätä jire krati.”
(Salmo 34:20)
NAMANI BARE
“Nükanintre Jesús känti angwane, niara krütanina jutuabare ietre, yebätä ñaka ngüre ye ötaninbätä kwetre.”
KUKWE NIEBARE
“Niara däkäninte ngite nikwe ye dokwäre.”
(Isaías 53:5)
NAMANI BARE
“Ni rükä iti käkwe däkätebare tökaite ta bukobiti, aune bätäräbe däri aune ñö niabare kwin.”
KUKWE NIEBARE
“Sribi tikwe ye ütiä bianba kwetre tie, ngwian 30 mününe.”
(Zacarías 11:12, 13)
NAMANI BARE
“Nitre ni jätäbiti nibu, iti abokän kädeka nämene Judas Iscariote, janamene nitre sacerdote krikri yekänti aune niebare kwe: ‘¿Tikwe niara ngökadi munye angwane munkwe dre biain tie?’. Ngwian 30 mününe käbämikani kwetre ie.”