Kukwe mikadre gare nitre dimikakäre

1 Corintios 9:19-23

KUKWE MIKATA GARE: Mäkwe nitre mika töbiketari aune kukwe mada ütiäte rükadre gare ietre yebätä ja rabadre ruin kwin ietre.

NUAINDRE ÑO:

• Dre niena gare nitre ie ye mäkwe ngwan törö jai. Kukwe niena gare ietre ye ñan arabe mäkwe kädekadreteta, ñakare aune kukwe niena gare nitre ie yebätä mäkwe kukwe mada mika gare bäri kwin ietre.

• Mäkwe kä dianka jai kukwe känänkäre aune töbikatarikäre. Raba ngwane, kukwe mrä kwandre mäi o kukweta nemen bare ye mä raba kädekete kukwe ütiäte mikakäre gare. Kukwe ye raba mä dimike ño kukwe ütiäte mike gare yebätä mäkwe töbika.

• Kukwe kädrieta ye mikadre ño täte ye mäkwe mika gare. Kukwe Bibliabätä ja jie ngwankäre ye raba nitre dimike ño mantre jetebe ye mäkwe mika gare. Kukweta nemen bare, ja ngwanta ño aune dre dre nuainta abokän gare nitre ie ye mäkwe kädekate.