Kukwe ükaninte jatäri

Kukwe gare nie, akwa ni ñaka mike täte ngwane ñaka ütiäte. Ne madakäre, nikwe ja töi mikadre bobre kukwe tä nemen gare nie ye mikakäre täte. Nitre Ngöbö mikaka täte kädrieta Bibliabätä käkwe kukwe driebare ni jökrä ie, orabare kwetre nitre mada kräke aune Jehovakwe niaratre dimikadre ie tö ngwani kwetre ye erere nikwe nuaindre ye köböire nikwe ja töi mikadre bobre jankunu yebätä kukwe ja tötikara ne ni dimikai.

Kukwe tare krubäte näire nita nüne, yebätä ni raba kite di nekä. Jehová aune Jesús tä ni dimike näin ja käne, akwa ni jökrä käkwe ni mada töi mikadre jäme aune ja di mikadre kwärikwäri. Ni raba nuainne ño ye kukwe ja tötikara ne bike mike gare nie.

Jehová ye “Ngöbö kä juto bökänkä” aune tö kä tuai juto ni niara mikaka täte yebätä. Nitre Gobrainta Satanakwe ngätäite nita nüne ye köböite ni raba ja tuin kukwe kri ben, ¿akwa ño kä raba nemen juto jankunu nibätä? Kukwe keta kabre raba ni dimike ye Jesukwe mikani gare Kukwe Kädriebare Ngudrebiti kwe ye ngwane.

Nitre kä nebätä töita ja aibebätä ye ngätäite konkrekasion kristiano tä ja tarere ye nüke gare kwin. Nikwe töbikadre kwin ni mada kräke yebiti ni mada tare nikwe ye nikwe bämikadre ye nibike mike gare jai kukwe ja tötikara nekänti aune kukwe ja tötikara mada yekänti. Kena, Jehovata kukwe ye bämike ni kräke ye nibike mike gare jai. Biti, kukwe keta kabrebiti ni raba ja ngwen niara erere ye nikwe mikai gare jai.