Tärä “Amor de Dios” yebiti nitre tötikadre ño
1. ¿Tärä “Amor de Dios” ye sribebare drekäre?
1 Tärä “Manténganse en el amor de Dios” ye bianba nie Gätä Kri Köbömä “Ngöbö üai kätä ni jie ngwen” yete, ye ¡käi rababa juto krubäte nibätä! Mikaba gare ye erere, tärä ne ñakare sribebare kukwe kena drieta Bibliabätä ye mikakäre gare. Nikwe ja ngwandre ño ye Jehová kätä mike gare; tärä ne käkwe ni dimikai kukwe ye tarere. Tärä ne ñakare driedi kukwe drieta ni madai ye ngwane.
2. ¿Tärä nebiti nire nire tötikai aune nuaindi ño?
2 Nitre tötikata tärä Enseña yebiti ye krütadre ie angwane, tärä mrä nebiti tötikadre Bibliabätä. Nitre nirien ñakare ja erebe kukwe ja üaire yebiti, ye medenbätä nikwe ni itire itire tötikadre töi nuäi ye ererebätä ne kwe ja rabadre ruin kwin ie. Akwa bäri ütiäte drebätä tötikata, ye rükadre gare kwin ietre. Nitre ruäre käkwe ja tötikanina tärä kabrebätä, akwa ñakare ja ükökrö konkrekasionte bätä ñakare ja töi kwite Biblia kätä dre niere ye ererebätä. Nitre ye erere bäsi jökrä tötikai ñakare tärä nebiti.
3. Nita ni mada tötike tärä Adoremos yebiti angwane, ¿dre nuaindre mada?
3 Mätä ni tötike tärä Adoremos yebiti aune nibira krüte ie angwane, tärä ye mikadre krüte. Biti mäkwe ni ja tötikaka ye nübai ñäke kaibe tärä “Amor de Dios” yebätä. Ñakare aune tötikadre tärä mrä yebiti aune kömikadre kapitulo kena yekänti. Ruäre ngwane ja tötika raba kukwe kädrieta apéndice yebätä, nuainta tärä Enseña yebiti ye erere.
4. Ni ja tötikaka käkwe ja ngökadre ñöte tärä Enseña o “Amor de Dios” jämi krüte ie ye ngwane, ¿dre nuaindre?
4 Ni ja tötikaka käkwe ja ngökadre ñöte tärä “Amor de Dios” jämi krüte ie angwane, tärä ye mikadre krüte ben. Ni ja tötikaka käkwe ja ngökadre ñöte, akwa ora nuainta, tuabitita bätä tötikata Bibliabätä ye ni raba täine. Ni kukwe driekä mada rikadre ni mukore bätä blitadre kwe siba, ye raba ora täine arato.
5. ¿Nitre ñakare niena kukwe driere ye dimika raba ño tärä “Amor de Dios” yebiti?
5 Ni Sribi Ngöbökwe jie ngwanka iti käkwe mä mikadre ni iti ñaka niena kukwe driere ye tötike, angwane niara raba niere mäi, kapitulo ruäre tärä “Amor de Dios” yebätä ja tötikadre ni yebe. Akwa ñaka ja tötikadre sö kabre te ben. ¡Tärä ne kwin krubäte! Tärä mrä ne sribebare ne kwe nikwe “Ngöbö taredre” jankunu (Judas 21).