Kukwe Ngwantarita

◼ Nitre testiko Jehovakwe kädekani kukwe ükatekäre metre gobranbe aune nüke gare simbolo yebiti; ¿ni ruäre o konkrekasion raba simbolo ye mike Ju ja Ükarakrö o jondron kwe yebätä?

Simbolo nieta ye abokän tärä okwä o jondron bämikata ne kwe rükadre gare kwin jondron mada yebätä. Ye erere, nitre testiko Jehovakwe kädekani kukwe ükatekäre metre gobranbe, ye tä ükaninte keta kabre. Ñodre, Watch Tower ye bämikata torre yebiti, aune simbolo yebiti Watch Tower Bible and Tract Society of Pennsylvania ye nüke gare. Congregación Cristiana de los Testigos de Jehová, ye bämikata Biblia metaninte yebiti. Akwa, nitre testiko Jehovakwe kädekani kukwe ükatekäre metre gobranbe käkwe simbolo bämikani ne kwe rükadre gare, ye konkrekasion aune ni mada ñaka rabadre mike Ju ja Ükarakrö yebätä, tärä juanta o jondron mada jeñe kwe yebätä. Kukwe ne mikata gare ne ñan ñobätä aune sribi medenta nitre kädekani ye kisete aune konkrekasion kisete ye ñaka raba nüke gare kwin nitre sribikä gobranbe, nitre mada jökrä, bätä ja mräkätre kukwebätä yei arato. Täräkwatabätä sello mikata yebätä raba nemen bare arato, ne ñan ñobätä aune sello yebiti oficina bäri kri bätä sukursal aibe kätä kukwe mike gare.

Ye medenbätä, simbolo Watch Tower aune mada bä erere ye mika ñaka raba Ju ja Ükarakrö sribeta mrä yebätä. Ju ja Ükarakrö ruäre Watch Tower yekwe, akwa simbolo ye mika ñaka raba arato. Ju ja Ükarakrö ruäre yebätä simbolo ye mikani aune ñaka nuäre diandrekä o ngwian kitadrekä krubäte kwitakäre angwane, kwita ñaka raba jötrö ngwarbe. Tärä okwä Ju ja Ükarakrö yebätä ye kwitadre o ju ye ükadrete angwane dianka raba. Simbolo ye nuäre diandrekä angwane, dianka raba jötrö ngwarbe.