Kukwe mikata gare

◼ Tärä driedi marzo: ¿Qué enseña realmente la Biblia? Nitre tuadrebiti kena o tärä ye niena kwe angwane mäkwe ja töimika ja tötika Bibliabätä kömike bentre. Abril bätä mayo: La Atalaya bätä ¡Despertad! Jesukwe ja nire biani ye Ngwanta Törö jai, ye näire nitre kätä ja ükökrö nibe o gätä madabätä aune tö kukwe mikai gare jai, akwa jämi ja mike kukwebätä ye tuadrebiti angwane, ja di ngwandre ja tötika Bibliabätä kömike bentre tärä Enseña yebiti. Junio: tärä Enseña. Tärä ye niena nitre gwi yekwe angwane, tärä mada 192 página jämi nemen sübrüre o sribebare kä 1995 känenkri ye drie raba.

◼ La Atalaya bätä ¡Despertad! ye rükadre konkrekasionte angwane, bengwairebe biandre nitre kukwe driekä yei, ne kwe ñäkädre kwetre täräkwata yebätä jämi driere ye känenkri.

◼ Marte 30 marzo kä 2010 yete Jesús ja nire biani ye Ngwainta Törö jai. Gätä yete kantiko mrä 8 bätä 109 kantai. Konkrekasion mäkwe tä ja ükökrö köbö yete angwane, gätä nuainta bämän yebätä kwitadre köbö madate. Ju ja Ükarakrö yete konkrekasion kwati tä ja ükökrö aune gätä ye ñan rabadre kwitabare angwane ñaka nuaindre. Kukwe kädriei Gätä Sribi Ngöbökwe Nuainkäre bämän yebätä ye ütiäte konkrekasion kräke angwane Gätä Sribi Ngöbökwe Nuainkäre bämän madate yete kukwe ye kädrie raba.