‘Kukwe kwin ne rabai diribare’
1. ¿Ñokänti gare nie ni ñaka jire iti raba kukwe drieta ye ketebätä?
1 Jehová töita dre nuainbätä ye ni ñaka jire iti raba kukwe ye ketebätä (Isa. 14:24). Nitre madianita rükä nämene 135.000, aune nitre 300 aibe nämene rükäre Gedeón ni kukwe ükatekä yekri, aisete ñaka raba nitre ye ganainne. Akwa Jehová niebare ie: “Erametre mäkwe juta Israel ye mikai kwäre juta Madián ye kisete. ¿Ti ñan ai tä mä juen?” (Jue 6:14). Kä nengwane, ¿sribi meden ngübata Jehovakwe? Jesukwe niebare: Gobran Ngöbökwe “kukwe[i] kuin [...] rabadi diribare kä jökräbti temen” (Mat. 24:14, Kukwe Kuin Ngöbökwe [KKN]). ¡Ni ñaka jire iti raba sribi ye ketebätä!
2. ¿Ñobätä ni raba tö ngwen Jehová raba ni itire itire dimike sribi kwe yebätä?
2 Jehová tä ni itire itire dimike. Jehová kätä juta kwe ngübare ye gare kwin nie, akwa ¿raba ni itire itire dimike arato? Pablo käkwe ja tuani kukwe tare ben, ye ngwane Jehová niara dimikani Jesús köböire ye namani gare ie (2 Tim. 4:17). Niara töita dre nuainbätä ye ni itire itire kätä ja di ngwen nuainne, angwane niara käkwe dimikai (1 Juan 5:14).
3. ¿Ñongwane Jehová kätä ni dimike?
3 ¿Kukwe keta kabre nuainta ye kätä mä ngwen di nekä kukwe driekäre? Jehová kätä “nitre tä nainte yei [...] ja di bien” (Isa. 40:29-31). Mä rüeta nakainkä, ¿kukwe yebe mätä ja tuin? “Mäkwe tribe mäkwe ye mikate Jehová kisete aune niarakwe mä dimikai” (Sal. 55:22). ¿Ruäre kä jürätä nemen mäbätä blitakäre ni madabe? “Nän, aune tikwe blitai mäkrä” (Éxo. 4:11, 12). ¿Mä tö sribi Ngöbökwe nuain akwa mätä bren? Sribi Ngöbökwe nuainta ja brukwä tätebiti angwane, Jehová kätä mike tuin ütiäte jai (1 Cor. 3:6, 9).
4. ¿Nita tö ngwen Jehovai angwane ye käkwe ni dimikai ño?
4 Jehová “kise tä ngökaninte ye ngwane, ¿nire raba niara kise ketebätä?” (Isa. 14:27). Jehovakwe kukwe kwin mikai nemen bare nikrä yei nita tö ngwen, aisete nikwe kukwe driedre jankunu aune “ñan [...] [ni] rüe jürä ngw[andre] jabätä” blitakäre Jehovabätä (Hech. 14:3, KKN).