Täräkwata driedre ño

Ni Mikaka Mokre 1 Diciembre

“¿Meri tä monsoi kwe ngübare kaibe ye sribi nuäre kräke raba ruin mäi? [Mäkwe tuanmetre blite.] Biblia tä niere nitre tä ja tuin kukwe tare ben yebätä nikwe ja töimikadre [ñäkä Salmo 41:1 yebätä]. Meri tä monsoi kwe ngübare kaibe ye ni raba dimike ño ye mikata gare página 22 nebätä.”

¡Despertad! Diciembre

“Nitre kwati tä niere: ‘¿Ñobätä Ngöbö ñaka Diablu ye gainte?’. ¿Mätä töbike ye erere? [Mäkwe tuanmetre blite.] Biblia tä dre mike gare kukwe yebätä ye nieta página 10 aune 11 nebätä. Ni rüe ñaka rabaira ye ngwane nikwe nünain ño ye mikata gare arato.” Ñäkä Revelación 21:3, 4 yebätä.

Ni Mikaka Mokre 1 Enero

“Nitre kwati tä niere jardín Edén ye ñaka namani metre aune kukwe ngwarbe nietabätä. Kukwe yebiti tätre mike gare Adán bätä Eva ñaka namani metre arato. Akwa, ¿Jesukwe blitabare nitre yebätä ye gare mäi? [Mäkwe tuanmetre blite. Biti ñäkä Mateo 19:4-6 yebätä.] Kukwe ye mikata gare bäri täräkwata nebätä.”

¡Despertad! Enero

Täräkwata ye mikadre tuare biti ngwantaridre: “¿Mä raba dre niere kukwe ngwantarita nete yebätä? [Mäkwe tuanmetre blite.] Biblia tä niere ni jökrä rabadre nüne jäme jabe [ñäkä Santiago 3:17 yebätä]. Akwa, ¿ñobätä iglesia ñaka nitre mike nüne keteitibe? ¿Iglesia ye käkwe nitre mikai nüne jäme jabe kwärikwäri? Kukwe ye mikata gare täräkwata nebätä”.