Kukwe mikata gare

◼ Tärä driedi enero 2012: Tärä Dre drieta. Ja töi mikadre nitre tötike Bibliabätä tuadrebiti kena ye ngwane. Tärä niena ni gwi yekwe, akwa ñaka ja tötika ye kadre ngäbiti kwe angwane täräkwata meden rabadre tuin kwin ie ye driedre ie. Febrero: Täräkwata Ja ketamuko Ngöbökwe. Marzo: Tärä Dre drieta. Ja töi mikadre nitre tötike Bibliabätä tuadrebiti kena ye ngwane. Tärä niena ni gwi yekwe, akwa ñaka ja tötika ye kadre ngäbiti kwe angwane täräkwata meden rabadre tuin kwin ie ye driedre ie. Abril: Täräkwata Ni Mikaka Mokre bätä ¡Despertad! Nitre törbadre kukwe mikai gare jai, aune täräkwata ¿Mä törba kukwe metre ye mikai gare jai? ye driedre bätä ja töi mikadre ja tötika Bibliabätä kömike. Jesukwe ja nire biani ni ütiäre Ngwanta Törö jai, ye näire nitre kätä ja ükökrö nibe o gätä madabätä akwa jämi ja mike kukwebätä ye tuadrebiti angwane, ja di ngwandre ja tötika Bibliabätä ye kömike bentre tärä Dre drieta yebiti.

◼ Febrero yebätä ja känenkäre ni ni tuabitikä käkwe kukwe kädriei, känti blitai nikwe tö ngwandre Jehová yebätä.

◼ Sesion mrä jatai täräkwata Ni Mikaka Mokre sribeta ni jökrä kräke abril-junio 2012 ja känenkäre yebätä; abokän kädekata “Kukwe kena drieta Bibliabätä tie”. Kukwe ye sribeta ne kwe nitre rüne abokän kwe monso tärä kä komä närebiti o bäri braibe, yebe ja tötikadre kwe. Sesion “Nitre rüne aune monsotre kräke” bätä “Monsotre kräke” ye ñaka jatadre täräkwata yebätä angwane sesion mrä ye jatai.