Kukwe driekäre

Ni Mikaka Mokre 1 Julio

“Kä nengwane ni ñaka raba nüne jäme. Ye medenbätä, ¿Jesukwe kukwe niebare ne raba tuin ño mäi? [Mäkwe ñäkä Mateo 6:25 yebätä, aune mäkwe tuanmetre blite.] Kukwe kädrieta jatäri täräkwata nebätä ye kätä mike gare kukwe nieta Bibliakwe ye raba ni dimike töbikakwe ye denkä ja töite.”

Kukwe kwin

“Käre nita ja di kärere Ngöböi orasionte, metrere kukwe kri tä nemen bare nibätä ye ngwane, ¿ñan ererea? [Mäkwe tuanmetre blite.] ¿Orasion nuainta ye jökrä Ngöböta kukwe nuin, o ñaka ruäre kain ngäbiti raba ruin mäi? [Mäkwe tuanmetre blite.] Kukwe ngwantarita ye texto meden Bibliabätä tä mike gare ye nieta täräkwata ngwanta tikwe nebätä. [Mäkwe täräkwata ye bian ni gwi yei aune kukwe ja tötikara 12 yekänti párrafo kena aune “mäkwe ñäkä” nieta texto yekänti ye mäkwe kädrie ben.] Ngöböta ni nübaire nökrö ja kokwäre orasion yebiti ye käi juto krubäte nibätä; akwa ye nuainkäre käre nikwe niara mikadre gare kwin jai. [Mäkwe kukwe ja tötikara 2 ye känä aune mäkwe subtítulo ye mika tuare ie.] Mä törba täräkwata ne ie angwane, ti raba mikete mäi aune mada ngwane ti raba kiteta mäkänti kukwe ngwantarita ne mikakäre gare Bibliabiti mäi”.