Sribi Ngöbökwe nuainbare bäri

Jesús Ja Nire Biani Ngwanta Törö Jai aune Ni Circuito Tuabitikä tä konkrekasion tuinbiti ye ngwane ni raba prekursor ausiliar nuainne ora 30 mikani gare ye namani tuin kwin krubäte ja mräkätre ie. Sukursal tä juta ngübarebiti yekänti kä 2010 yete nitre prekursor ausiliar nämene 361,174 akwa kä känente ja mräkätre 774,144 prekursor ausiliar nuainbare. Ye tä mike gare nitre prekursor ausiliar ririabare 114%. Munkwe käre ja mika juto prekursor ausiliar nuainkäre ne kwe kä tädre juto munbätä Jehová käikitakakäre (Sal. 73:28).