NITA JA NGWEN ÑO

Mäkwe monsotre mäkwe dimika tödeke kwatibe Ni ni Sribekä yei

Ni ni Sribekä ye töi kwin krubäte ye nüke gare jondron sribebare kwe yebiti (Sl 19:1-4; 139:14). Akwa, nitre gobrainta Satanakwe tä kukwe ngwarbe niere ni nükani ño yebätä abokän köböite Ngöbö mikata ngwarbe (Ro 1:18-25). ¿Mäkwe dre nuaindre ne kwe kukwe ye ñaka jatadre tuin metre monsotre mäkwe yei? Jehová ye metre aune niaratre tare kwe yei rabadre tödeke kwatibe mäkwe mika gare ietre täbe kia ye ngwane (2Co 10:4, 5; Ef 6:16). Tötikata kwelate ye tuin ño ietre ye mäkwe ngwantari ietre aune tärä, täräkwata aune video keta kabre sribeta yebiti mäkwe tötika kwin (Pr 20:5; Snt 1:19).

Ni rüne tä monsotre kwe tötike jondron sribebare yebätä; ni nire aune jondron nire jatani nikwite jatäri yebätä blitata kwelate; Monsotre mada tä dre niere Ngöbö mikadre era jai yebätä

VIDEO MONSOTRE MADA TÄ DRE NIERE NGÖBÖ MIKADRE ERA JAI YEBÄTÄ TUADRE YE BITIKÄRE, KUKWE NGWANTARITA NE MIKADRE GARE:

¿Ngöbö mikadre era jai yebätä nitre tä dre niere?
¿Dre drieta kwelate mäi?
¿Jehová ye metre ye ñokänti gare mäi?
¿Ngöbökwe jondron jökrä sribebare ye rabadre tuin metre ni madai yekäre mä raba dimike ño?