“Munkwe ñan töbika dikaro”

Jesús Kukwe Kädriebare Ngudrebiti ngwane, niebare kwe: “Munkwe mrö ño kwetadre nünankrä amne munkwe dre ñadre tomnane nünankrä jae, yebtä munkwe ñan töbika dikaro” (Mt 6:25, Kukwe Kuin Ngöbökwe). Ni ngite aune nita nüne kä gobrainta Satanakwe nete ye köböite ruäre ngwane, töbikakwe tä nemen ni kisete. Akwa, nitre nänkä Jesús jiebiti ye ñaka rabadre ja töibikaire krubäte ye niarakwe driebare ietre (Sl 13:2). ¿Ñobätä? Ñan ñobätä aune nita nemen ja töibikaire krubäte jondron ribeta nikwe jai mantre jetebe aune kukwe madabätä ngwane, ye raba ni näkwite aune ñaka rabai nuäre ni kräke Gobran Ngöbökwe mikakäre käne jai (Mt 6:33). Ye bitikäre Jesukwe dre niebare ye raba ni dimike ñaka ja töibikaire krubäte.

• Mt 6:26. ¿Nita nukwä mike ñärärä ye ngwane dreta nemen gare nie? (w16.07 pág. 6, 10 párr. 11-13).

• Mt 6:27. ¿Ni rabadre töbike krubäte ye ñobätä raba ni ngwen di nekä aune kä denkä krubäte nikän? (w05-S 1/11 pág. 22 párr. 5).

• Mt 6:28-30. ¿Kriblü yebätä dreta nemen gare nie? (w16.07 pág. 7 párr. 15, 16).

• Mt 6:31, 32. ¿Ni kristiano aune nitre kä nebätä ye ñobätä ñaka ja erebe? (w16.07 pág. 7 párr. 17).

¿Kukwe medenbätä ti ñaka tö töbikai krubäte?