19-25 FEBRERO

SALMOS 8-10

Kantiko 2 bätä orasion | Kukwe niedre kena (min. 1)

KUKWE ÜTIÄTE BIBLIABÄTÄ

1. “Tikwe mä käikitaikä ,oh, Jehová”

(min. 10)

Jehová moto kwin krubäte nikrä (Sl 8:3-6; w21.08 3 párr. 6).

Jehovakwe jondron jökrä sribebare bä nuäre krubäte yebätä ni töta nemen blitai nitre ben käikitakakäre (Sl 9:1; w20.05 23 párr. 10).

Nita kantare ja dibiti aune ja brukwä tätebiti ngwane nita Jehová käikitekä arato (Sl 9:2; w22.04 7 párr. 13).

Nita Jehová käikitekä ño ye üai mikata tuare: 1. Meri testiko umbre ye tä kukwe driere ni niara ngübaka yei. 2. Ja mräkätre tä kantare ju ja ükarakrö yete. 3. Monso bati tä kise ngökö kwin comentario biankäre gätäte. 4. Monso bati tä ju ja ükarakrö ye mike mrebe siba. 5. Monso bati tä kukwe driere monso bati nänkä kwelate ben yei.

KUKWE NE NGWENTARI JAI: “¿Kukwe meden madabiti ti raba Jehová käikitekä?”.

2. Perla ükani känändre

(min. 10)

Sl 8:3. ¿Salmitakwe Ngöbö kise niebare yebiti dre gäräbare kwe? (it-1-S 649).

Mike gare
Texto dianinkä Bibliabätä ñäkäkäre bämän ne kräke, ¿yekänti perla meden meden kwani nie?

Mike gare

3. Ñäkätä Bibliabätä

(min. 4) Sl 10:1-18 (th kukwe ja tötikara 11)

DIRIDRE BÄRI KWIN

4. Blita kömikakäre

(min. 3) JU JU TE. Ni gwi ye ñan Ngöbö mike täte nieta kwe (lmd kukwe ja tötikara 5 punto 4).

5. Ni tuadrebitita

(min. 4) KUKWE DRIEDRE KÄ JOKRÄ NGWANE. Ni ben mäkwe blitabare ye ñan Ngöbö mike era jai akwa, Ngöbökwe jondron sribebare kukwe ruäre tä mike gare ye tä juto biare mikakäre gare jai (th kukwe ja tötikara 7).

6. Kukwe kädriedre

(min. 5) w21.06 6, 7 párr. 15-18. Kukwe: Mäkwe ni ja tötikaka dimika Jehová käikitekä (th kukwe ja tötikara 10).

NITA JA NGWEN ÑO

Kantiko 10

7. Kukwe drieta kä jokrä ngwane ye nuain raba ño kwin

(min. 10) Kukwe kädriedre nitre ja ükaninkrö yebe.

Nitre ben nita ja tuin köbö kwatire kwatire ie kukwe driedre yebiti ni raba Jehová käikitekä arato (Sl 35:28). Kenanbe kä jurä raba nemen nibätä. Akwa nikwe blita kömikai aune blitai töi jämebiti ngwane ni jatai blite bäri kwin aune ¡ni töi rabai nuainbätä jankunu!

Video Mä ja mika juto biare ”‏kukwe kwin nüna jäme”‏ ye driekäre | Mäkwe ja töi mika blite käne ye üai. Restaurante yete meri testiko tä ja töi mike blite meri mada tä mesabätä yete yebe.

VIDEO Mä ja mika juto biare ”‏kukwe kwin nüna jäme”‏ ye driekäre | Mäkwe ja töi mika blite käne ye mika tuare. Biti kukwe ne ngwandretari:

¿Kukwe driedre ño bäri kwin kä jökrä ngwane miri gare video nete ye tä mä dimike ño?

Mike gare

Kukwe ruäre raba mä dimike blita kömikakäre ye mike ñärärä:

Nire gätädre ji ngrabare munbe yebe mun tädre juto biare blita kömikakäre. Nire tö kukwe mikai gare jai yebe mäkwe blita aune ñan kä jurä rabadre mäbätä ye mäkwe ribe Jehovai.
Nire gätädre mäbe ye ie mäkwe kukwe drie töi jämebiti aune kukwe nua kwin. Kukwe rüare abokän tuin kwin nitre ye ie ye mäkwe mika gare jai aune yebätä mäkwe blita ben Bibliabiti.
Raba ngwane, mäkwe dato contacto jakwe ye bian nitre ie aune kwetre ye mäkwe kärä ie.
Mäta blite nitre ben aune ñan raba nemen kukwe driebare ie mäi ngwane mäkwe ñan ja ngwan di nekä.
Mäkwe ja töi mikai jankunu ni yebätä mäkwe blitara ünä ben ngwane. Mä tö dimikai mikakäre gare ie mä raba texto keteite o kukwe tä mikani internet jw.org raba tuin kwin ie ye juen ie.

Mäkwe ne nuain: Mäkwe dre nuainbare bämä krütebätä ye ngwandretari mäi ngwane, dre namani gare mäi gätäbätä o mäkwe kukwe driebare ño Bibliabiti yebätä mäkwe blita.