1-7 ABRIL

SALMOS 23-25

Kantiko 4 bätä orasion | Kukwe niedre kena (min. 1)

KUKWE ÜTIÄTE BIBLIABÄTÄ

1. “Jehová abokän ti ngübaka oveja erere”

(min. 10)

Jehová tä ni jie ngwen aune ni kriemike (Sl 23:1-4; w22.01 3, 4 párr. 5-6).

Jehová tä ni buke (Sl 23:5; w11-S 1/5 31 párr. 5).

Ni oveja ngübaka tä oveja ngwen kisete mikakäre jäme.

Nitre ie oveja ngüba gare ye tä oveja ngübare kwin. Ye erere arato Jehová tä ni niara mikaka täte ye ngübare.

KUKWE NE NGWENTARI JAI: ¿Jehovata ti ngübare ño?

2. Perla ükani känändre

(min. 10)

Sl 23:3. ¿“Ji metre” ye dre gärätä aune dre köböire nikwe ñaka kä mikaikä jire chi ji yebätä? (w11-S 15/2 24 párr. 1-3).

Mike gare
Texto dianinkä Bibliabätä ñäkäkäre bämän ne kräke, ¿yekänti perla meden meden kwani nie?

Mike gare

3. Ñäkätä Bibliabätä

(min. 4) Sl 23:1–24:10 (th kukwe ja tötikara 5)

DIRIDRE BÄRI KWIN

4. Blita kömikakäre

(min. 3) KUKWE DRIEDRE KÄ JOKRÄ NGWANE. Kä tibien kite nikwite jene yebätä nitre tä töbike krubäte ye ie mäkwe ñäkä texto keteitibätä dimikakäre. (lmd kukwe ja tötikara 2 punto 5)

5. Ni tuadrebitita

(min. 4) JU JU TE. Nita nitre tötike ño Bibliabätä ye driedre nitre käkwe täräkwata Mä raba nüne kä jutobiti kärekäre kani ngäbiti ye ie (lmd kukwe ja tötikara 9 punto 3)

6. Nitre tötikadre

(min. 5) lff kukwe ja tötikara 14 punto 4 (lmd kukwe ja tötikara 11 punto 3)

NITA JA NGWEN ÑO

Kantiko 54

7. Ni gare ñakare nie ye ñaka kukwe nuadre

(min. 15) Kukwe kädriedre nitre ja ükaninkrö yebe.

Oveja tä keteitibe ye ni ngübaka aune ni menteni tä kärere. Oveja ta ngübaka kukwe nuin aune tä niken jiebiti.

Oveja ye ie bäkänkä tä kukwe ruin ngwane tä nike jiebiti, akwa ni ñan gare ie ye tä kukwe ruin ie ngwane tä nibrenkä nen (Jn 10:5). Ye erere arato, nita Jehová aune Jesús kukwe nuin. Niaratre ye abokän ni oveja ngübaka kwin ye kwrere ja üairebiti aune ni tare kwe yebätä nikwe tö ngwandre kwatibe biti (Sl 23:1; Jn 10:11). Akwa “ni gare ñakare nie” töta tödeka nikwe juanbätä ngwarbe kukwe ngwarbebiti ni ngökakäre, ye nikwe ñaka kukwe nuadre jire chi (2Pe 2:1, 3).

Ni gare ñakare nie ye kukwe juruabare kena kä tibienbätä mikata gare tärä Génesis kapitulo 3 yekänti. Yete Satanakwe ja bä ganinte, niara ja ketamuko Evakwe niebare kwe ye ngwane. Kukwe metre Jehovakwe ye kwitani kwe jene aune kukwe ngwarbe niebare kwe Eva ie. Evakwe niara mikani era jai. Ye meden kisete Eva aune mräkätre kwe ngite kri krubäte.

Jehová aune juta kwe yebätä Satana tä kukwe ngwarbe niere ni ngökakäre. Yekäre tä noticia ngwarbe niere, aune kukwe metre ye kwite niara töi ye erere. ¿Nitre ñan gare nie tä kukwe ngwarbe niere ye ngwane nikwe dre nuaindre? ¡Ni gitiadre ben gwairebe! Ja töi mikadre kukwe nuin jerekäbe ni ñan töi tädre nuainbätä akwa ni raba ja mike kukwe kri te. ¿Satanakwe kukwe niebare nuäi Eva ngökakäre? Ñan kukwe niebare kri kwe ie (Gé 3:1, 4, 5). Akwa, ¿Ni gare nie o ni tare nikwe käkwe kukwe ngwarbe niedre juta Ngöbökwe bätä nie ngwane nikwe dre nuaindre?

VIDEO mikadre tuare “Ni gare ñakare nie” ye ñaka kukwe nuadre. Kukwe ngwandretari nitre ja ükaninkrö ie:

¿Nitre nämäne kukwe ngwarbe niere juta Ngöbökwe rüere ye Coral meye abokän ñan kukwebätä tö namani mikai tuare ie ngwane niarakwe kukwe nuainbare ye tä dre driere nie?

Mike gare

8. Ja tötika Bibliabätä konkrekasionte

(min. 30) bt cap. 8 párr. 1-4 aune recuadro pag. 61, 62